دۋبايدا مەدبيكەلەرگە «التىن ۆيزالار» بەرىلەدى
استانا. KAZINFORM - دۋباي بىرىككە اراب امىرلىكتەرىندە 15 جىلدان استام جۇمىس ىستەگەن مەدبيكەلەرگە «التىن ۆيزالار» بەرەدى، دەپ حابارلايدى ازەرتادج.
بۇل شەشىم ولاردىڭ قوعامعا قوسقان باعا جەتپەس ۇلەسى مەن مەديتسينالىق قىزمەتتەردىڭ ساپاسىن ارتتىرۋداعى ماڭىزدى ءرولىن مويىنداۋ ماقساتىندا قابىلداندى.
دۋبايدىڭ تاق حانزاداسى، ب ا ءا- ءنىڭ ۆيتسە- پرەمەر- ءمينيسترى جانە قورعانىس ءمينيسترى شەيح حامدان بەن مۋحاممەد بەن راشيد ءال ماكتۋم مەدبيكەلەردىڭ دەنساۋلىق ساقتاۋ جۇيەسىنىڭ الدىڭعى شەبىندە جۇرگەندەرىن ايتىپ، دەنى ساۋ قوعام قۇرۋدا ماڭىزدى ءرول اتقاراتىنىن اتاپ ءوتتى.
شەيح حامدان مەدبيكەلەردىڭ پاتسيەنتتەرگە كۇتىم جاساۋداعى كۇندەلىكتى كۇش- جىگەرىن جانە باسقالاردىڭ ءال- اۋقاتىنا ادالدىعىن جوعارى باعالاعان، دەپ مالىمدەيدى Dubai Media Office.
بۇل ديرەكتيۆا جىل سايىن 12-مامىردا اتاپ وتىلەتىن حالىقارالىق مەدبيكەلەر كۇنىندە قابىلداندى.
ب ا ءا- ءنىڭ «التىن ۆيزالارى» - ەلدىڭ دامۋىنا ەرەكشە ۇلەس قوسقان، قۇندى داعدىلارى بار نەمەسە ەكونوميكالىق ءوسۋ ءۇشىن ماڭىزدى سالالاردا جۇمىس ىستەيتىن ادامدارعا بەرىلەتىن 10 جىلدىق تۇرۋعا رۇقسات.
«التىن ۆيزا» يەگەرى ب ا ءا بانكتەرىندە شوت اشا الادى، سالىق رەزيدەنتى مارتەبەسىن الادى. سونىمەن قاتار امىرلىكتەردە بيزنەس جۇرگىزە الادى جانە دەنساۋلىق ساقتاۋ قىزمەتتەرىن پايدالانا الادى.
بۇعان دەيىن 12-مامىردا مەملەكەت باسشىسى قاسىم-جومارت توقايەۆ اقوردادا قازاقستانعا رەسمي ساپارمەن كەلگەن ابۋ-ءدابيدىڭ تاق مۇراگەرى شەيح حالەد بەن مۇحاممەد بەن زايد ءال- ناحاياندى قارسى الدى. ابۋ- ءدابيدىڭ تاق مۇراگەرى قازاقستانمەن قاي سالالارداعى ىنتىماقتاستىق جانداناتىنىن ايتتى.
