DAZN گولوۆكيننىڭ كەلەسى جەكپە- جەگى وتەتىن كۇندى حابارلادى

نۇر- سۇلتان. قازاقپارات - ESPN Deportes ءتىلشىسى DAZN ستريمينگ جەلىسىنىڭ 2020 -جىلدىڭ كۇزىنە ارنالعان جوسپارىن انىقتادى.

بۇل تۋرالى قازاقپارات Sports.kz كە سىلتەمە جاساپ حابارلايدى. پلاتفورمانىڭ جۇمىس كەستەسىندە گەننادي گولوۆكيننىڭ (40-1-1, 35 ك و) پولشالىق مىندەتتى قارسىلاس كاميل شەرەمەتاعا (21-0, 5 ك و) قارسى جەكپە- جەگى بار. DAZN كەزدەسۋدى قاراشادا وتكىزەمىز دەپ ۇمىتتەنىپ وتىر. گولوۆكين- شەرەمەتا ايقاسى وتەتىن كۇن بىرنەشە رەت اۋىسقان، اۋەلدە جەكپە- جەك اقپاندا بولادى دەپ جوسپارلاندى، كەيىن ناۋرىز، ماۋسىم جانە قازاندا ءوتۋى مۇمكىن دەپ بولجانعان.

GGG پولياك بوكسشىسىمەن ايقاستا ورتا سالماقتاعى IBF الەم چەمپيونى تيتۋلىن قورعايدى. بوكسشى كاليفورنيا شتاتىنداعى بيگ بەاردا دايىندالىپ جاتسا، شەرەمەتا ءوز وتانىندا جاتتىعۋىن جالعاستىرىپ ءجۇر.