داۋىل سالدارىنان الماتى بوتانيكالىق باعى بىرنەشە كۇنگە جابىلدى
الماتى. قازاقپارات - 7-ءساۋىر كۇنى الماتىدا داۋىل سالدارىنان اعاشتار قۇلاپ، كەي جەردە شاتىر ۇشتى.
داۋىلعا بايلانىستى الماتىنىڭ باس بوتانيكالىق باعى 10-ساۋىرگە دەيىن جابىلدى.
- قازىرگى ۋاقىتتا اعاشتار قۇلاپ، بۇتاقتارى سىنعاندىقتان بوتانيكالىق باقتىڭ اينالاسىندا ءجۇرۋ قيىنعا سوعىپ تۇر. سوندىقتان قاۋىپتى اعاشتاردىڭ قۇلاۋ مۇمكىندىگىن بولدىرماۋ ءۇشىن قوعامدىق اۋماقتى تازارتۋ، سونداي-اق اعاشتاردىڭ جاعدايىن تەكسەرۋ قاجەت. ۋاقىتشا قولايسىزدىقتار ءۇشىن كەشىرىم سۇرايمىز، - دەپ حابارلادى باقتىڭ باسپا ءسوز قىزمەتى.
ەسكە سالايىق، الماتىدا كۇن كۇركىرەپ، نايزاعاي ويناپ، نوسەر جاۋدى.
ودان كەيىن الماتىداعى داۋىل سالدارى تۋرالى جازعانبىز.
اۆتور
دوسبول اتاجان
