پەداگوگيكا: بيىل «التىن بەلگى» يەگەرلەرىنە 1,7 مىڭنان استام گرانت بەرىلدى
استانا. KAZINFORM - دارىندى جاستار اراسىنان پەداگوگيكالىق باعىتتارعا تۇسۋشىلەردىڭ وڭ ديناميكاسى بايقالىپ وتىر. 2024 -جىلى «التىن بەلگى» توسبەلگىسىنىڭ يەگەرلەرىنە 1,7 مىڭنان استام گرانت بەرىلدى. بۇل تۋرالى ۇكىمەت ءمالىم ەتتى.
بۇگىنگى تاڭدا 54 ج و و-نىڭ پەداگوگيكالىق باعىت بويىنشا ليتسەنزياسى بار. پەداگوگيكالىق ماماندىقتارعا تۇسەتىن تالاپكەرلەرگە قويىلاتىن تالاپتار كەزەڭ-كەزەڭىمەن ارتىپ كەلەدى.
وسى جىلى پەداگوگيكالىق باعدارلامالارعا تۇسەتىندەردىڭ ۇ ب ت-داعى ورتاشا بالى 105 بالدى قۇرادى (2023 -جىلى - 102,5). جىل سايىن پەداگوگيكالىق باعىتتارعا گرانتتار سانى ارتىپ كەلەدى. ەگەر 2023-2024 وقۋ جىلىندا 15923 گرانت بولىنسە، 2024-2025 وقۋ جىلىندا - 15973 گرانت بەرىلدى.
پەداگوگيكالىق جوعارى وقۋ ورىندارى ءبىلىم بەرۋ باعدارلامالارىن جاڭارتۋ بويىنشا جۇمىستى جالعاستىرۋدا. ءبىلىم بەرۋ باعدارلامالارىنىڭ تىزىلىمىنە 1,7 مىڭنان استام باعدارلاما ەنگىزىلدى، ونىڭ %89,7 ى «پەداگوگ» كاسىبي ستاندارتى نەگىزىندە جاڭارتىلدى.
دۇنيەجۇزىلىك بانكتىڭ «ورتا ءبىلىم بەرۋدى جاڭعىرتۋ» جوباسى اياقتالدى. جوبا اياسىندا 30 يننوۆاتسيالىق ءبىلىم بەرۋ باعدارلاماسى ازىرلەندى.
سونىمەن قاتار ADOS-2 ءاۋتيزمدى ەرتە دياگنوستيكالاۋ ادىستەمەسى جانە ەرەكشە ءبىلىم بەرۋ قاجەتتىلىكتەرى بار بالالاردى تۇزەتۋ بويىنشا 67 وقىتۋشى قوسىمشا وقىتىلدى. بۇگىنگى تاڭدا «ارنايى پەداگوگيكا» باعىتى بويىنشا كادر دايارلاۋدى جۇزەگە اسىراتىن 14 ج و و ينكليۋزيۆتى ءبىلىم بەرۋ كابينەتتەرىمەن جاراقتاندىرىلعان. برايلمەن باسىپ شىعارۋعا ارنالعان پرينتەرلەر ساتىپ الىندى. پەداگوگيكالىق ءبىلىم بەرۋ تۇجىرىمداماسى قابىلداندى.
«بولاشاق» باعدارلاماسى اياسىندا الەمنىڭ ۇزدىك جوعارى وقۋ ورىندارىندا 12,6 مىڭنان استام ادام، ونىڭ ىشىندە «عىلىمي-پەداگوگيكالىق قىزمەتكەرلەر» ساناتى بويىنشا - 1,9 مىڭنان استام ادام دايارلاندى.
بۇعان دەيىن حابارلانعانداي، ەلىمىزدىڭ 4 جوعارى وقۋ ورنىندا «ەتنوساياسي ساۋاتتىلىق» ءپانى ەنگىزىلدى.
