داۆوستا دۇنيەجۇزىلىك ەكونوميكالىق فورۋم ءوتىپ جاتىر

استانا. KAZINFORM - بيىلعى داۆوس ەكونوميكالىق فورۋمىنىڭ تاقىرىبى - «زياتكەرلىك ءداۋىر جولىنداعى ىنتىماقتاستىق»، دەپ حابارلايدى Kazinform مەنشىكتى ءتىلشىسى.

ا
Фото: World Economic Forum Annual Meet/Avalon/IMAGO

فورۋم 20-25-قاڭتار ارالىعىندا وتەدى. بيىل بۇل شارا ا ق ش پرەزيدەنتى دونالد ترامپتىڭ يناۋگۋراتسياسىمەن تۇسپا-تۇس كەلدى، ول فورۋمعا قاتىسۋشىلار الدىندا بەينەكونفەرەنسيا ارقىلى ءسوز سويلەيدى.

داۆوسقا 130 دان استام ەلدەن 3 مىڭعا جۋىق ادام، ونىڭ ىشىندە 60 مەملەكەت جانە ۇكىمەت باسشىلارى كەلەدى دەپ كۇتىلىپ وتىر. شاراعا قاتىساتىن الەم كوشباسشىلارى اراسىندا گەرمانيا كانتسلەرى ولاف شولتس، ەۋروپالىق كوميسسيا ءتوراعاسى ۋرسۋلا فون دەر ليايەن، قىتاي ۇكىمەتىنىڭ ۆيتسە-پرەمەرى دين سيۋەسيان، بانگلادەش ۋاقىتشا ۇكىمەتىنىڭ باسشىسى مۇحامماد يۋنۋس، ارگەنتينا مەن و ا ر پرەزيدەنتتەرى حاۆەر ميلەي مەن سيريل رامافوسا بار.

فورۋمنىڭ نەگىزگى تاقىرىپتارى - دونالد ترامپتىڭ ەكىنشى پرەزيدەنتتىك مەرزىمىنىڭ الەۋەتى، گازاداعى سوعىس، ۋكرايناداعى جاعداي جانە كليماتتىڭ وزگەرۋى.

ترامپتىڭ ەكىنشى پرەزيدەنتتىگى - داۆوستا تالقىلاناتىن نەگىزگى تاقىرىپ، دەپ جازدى «نەمىس تولقىنى».

ترامپتىڭ اق ۇيگە ورالۋى داۆوستاعى پىكىرتالاستاردا كوپ تالقىلانادى دەپ كۇتىلىپ وتىر. دوستاستىق جانە دوستاستىق ەمەس ەلدەردىڭ تاۋارلارىنا كەدەندىك تاريفتەردى قويامىن دەپ قورقىتۋ جانە كانادا مەن گرەنلاندياعا امبيتسيالارىن تانىتۋ ارقىلى ترامپ ينۆەستورلاردى، كومپانيالاردى جانە ۇكىمەتتەردى تاڭ قالدىردى.

ساياساتكەرلەر مەن بيزنەسمەندەر ترامپ ۋادە ەتكەن ساۋدا سوعىستارى قالاي ءوربيتىنىن جانە ولاردىڭ جاھاندىق ەكونوميكاعا قالاي اسەر ەتەتىنىن تۇسىنۋگە تىرىسادى.

مەملەكەت باسشىسى قاسىم-جومارت توقايەۆ ا ق ش- تىڭ 47-پرەزيدەنتى دونالد ترامپقا جەدەلحات جولداپ، ونى 20-قاڭتاردا ۆاشينگتوندا وتكەن ۇلىقتاۋ راسىمىندە ا ق ش پرەزيدەنتى قىزمەتىنە رەسمي تۇردە كىرىسۋىمەن قۇتتىقتادى.

سوڭعى جاڭالىقتار