جەڭىس پارادىنا قاتىسۋشىلاردىڭ وتباسىلارى اسكەريلەرگە توسىنسىي جاسادى
استانا. KAZINFORM - جاقىندارىنىڭ دالالىق لاگەرگە كەلۋى جاۋىنگەرلەر ءۇشىن توسىنسىي بولدى، دەپ حابارلايدى قورعانىس مينيسترلىگىنىڭ باسپا ءسوز قىزمەتى.
«استانا» وڭىرلىك قولباسشىلىعىنا قاراستى 31775 اسكەري ءبولىمى اسكەري قىزمەتشىلەرىنىڭ اتا- انالارى، باۋىرلارى، جۇبايلارى مەن بالالارى ەلوردا شەتىندەگى دالالىق لاگەرگە باردى.
ۇلى وتان سوعىسىنداعى جەڭىستىڭ 80 جىلدىعىنا ارنالعان شەرۋگە ساناۋلى عانا كۇن قالدى. بۇل سوڭعى جىلدارداعى ەڭ اۋقىمدى ءىس-شارالاردىڭ ءبىرى. وعان ءتورت مىڭنان استام اسكەري قىزمەتشى قاتىسادى.
پارادتا ەڭ لايىقتى، كۇشتى ءارى ءتوزىمدى دەگەن جاۋىنگەرلەر عانا سالتاناتتى ساپ تۇزەمەك. جەڭىس شەرۋى ۇرپاقتار ساباقتاستىعىنىڭ سيمۆولىنا اينالىپ وتىر.
31775 اسكەري ءبولىمى موتواتقىشتار باتالونى كومانديرىنىڭ ورىنباسارى مايور داۋلەت قاراكەسەكوۆتىڭ زايىبى كەزدەسۋدەن العان اسەرىن جاسىرا المادى.
- جۇبايىم ءۇشىن مۇنداي تاريحي وقيعاعا قاتىسۋدىڭ ماڭىزدى ەكەنىن تۇسىنەمىن. اسكەري ادامعا ءاردايىم وتباسىنىڭ قولداۋى قاجەت. ءبىز ءمۇندا سول ماقساتپەن كەلىپ وتىرمىز. جولدىڭ قاشىقتىعى ەش كەدەرگى ەمەس، - دەدى ايدانا قاراكەسەكوۆا.
جاقىندارىنىڭ دالالىق لاگەرگە كەلۋى جاۋىنگەرلەر ءۇشىن توسىنسىي بولدى. ءدال وسىنداي ساتتەردە ارميانىڭ تەك اسكەري فورما مەن قاتاڭ تارتىپتەن تۇرمايتىنىن سەزىنەسىڭ.
وسىعان دەيىن شىعىس قازاقستاندا جەڭىس كۇنىنە وراي 100 گە جۋىق شارا ۇيىمداستىرىلاتىنى بەلگىلى بولدى.
