دارىگەر وكپەنى قالاي تازارتۋعا بولاتىنىن ايتتى

 ۇلكەن قالادا تۇراتىن ادامدار لاس اۋامەن تىنىس الۋعا ءماجبۇر. كوپشىلىك كوروناۆيرۋس پاندەمياسىنان كەيىن وكپە ساۋلىعىنا اسا ءمان بەرۋ كەرەگىن ءتۇسىندى. تىنىس الۋ جۇيەسىن قالاي قورعاۋ كەرەك؟ وكپەنى قالاي تازارتۋعا بولادى؟ توكسيكولوگ ميحايل كۋتۋشوۆ Doctorpiter پورتالىنا بىرنەشە پايدالى كەڭەس بەردى. 

ماماننىڭ ايتۋىنشا، وكپە جۇيەسى بويىمەن اۋا ءوتۋ پروتسەسىندە جاڭىلىس بولسا، بۇل ناشار حال- جاعدايدىڭ سەبەبى بولا الادى جانە ول اۋىر مەتابوليزمدىك وزگەرىستەرگە اكەلۋى مۇمكىن.

«ءتۇرلى اۋرۋلاردان اسقىنۋلار مەن توقىراۋ بولماس ءۇشىن وكپەنى تازارتۋ كەرەك»، - دەيدى دارىگەر.

ۇيدە وكپەنى قالاي تازارتامىز؟

تىنىس الۋ گيمناستيكاسىن جاساڭىز. تەرەڭ تىنىس الىپ، شىعارىڭىز: بۇل وكپەدەگى اۋا اينالامىن جاقسارتادى؛

مۇرىن قۋىستارىمەن كەزەكتەسىپ تىنىس الىڭىز. بۇل وكپەنى اشاتىن جانە كۇيزەلىسكە قارسى جاقسى جاتتىعۋ. بۇل جاتتىعۋدى كۇنىنە ەڭ بولماعاندا 15 مينۋت جاساڭىز؛

شايقۋراي، سالبەن، جولجەلكەن نەگىزىندە دايىندالعان شوپتىك شايلار ءىشۋدى ادەتكە اينالدىرىڭىز؛

راتسيونىڭىزعا انتيوكسيدانتتارى كوپ ونىمدەر قوسىڭىز. جەمىستەر، كوكونىستەر، جاڭعاقتار ءجيى جەڭىز جانە كوك شاي ءىشىڭىز؛

قاقىرىقتى سۇيىلتۋ ءۇشىن ينگالياتسيا جاساڭىز؛

قابىنۋعا جانە ميكروبتارعا قارسى قاسيەتتەرى بار ەفير مايلارىن قولدانىڭىز. مىسالى: ەۆكاليپت نەمەسە شاي اعاشى.

سونداي- اق تازا اۋاسى بار جەردە ءجيى سەرۋەندەڭىز، تەمەكى تارتاتىن ادامداردىڭ جانىندا تۇرماڭىز جانە ءۇيدىڭ ءىشىن ءجيى جەلدەتىڭىز.