دارىگەر قاتەرلى ىسىكتىڭ اۋىر ءتۇرىنىڭ نەگىزگى بەلگىسىن اتادى
استانا. قازاقپارات - تەراپەۆت، انەستەزيولوگ مارك پورتەر ۇزاق ۋاقىت بويى داۋىستىڭ قارلىعۋى كوپتەگەن اۋرۋدا داميتىنىن ايتتى. مىسالى، بۇل قىشقىلدىق رەفليۋكس نەمەسە داۋىس جەلبەزەگىندە قاتەرسىز تۇيىندەردىڭ پايدا بولۋى، كومەي قاتەرلى ىسىگىنىڭ بەلگىسى بولۋى مۇمكىن.
دارىگەر اگرەسسيۆتى قاتەرلى ىسىك اۋرۋىنىڭ نەگىزگى بەلگىسىن The Times گازەتىنە بەرگەن سۇحباتىندا اتادى.
داۋىستىڭ ۇنەمى قارلىعۋىنان باسقا، تاماقتاعى تۇراقتى ىڭعايسىزدىق، تۇسىنىكسىز قۇلاق اۋرۋى، نەگىزسىز جوتەل جانە جۇتىنۋ كەزىندەگى پروبلەمالار كومەيدىڭ قاتەرلى ىسىگىن كورسەتەدى.
"ۆيرۋستىق جانە قابىنۋ اۋرۋلارى ادەتتە ەكى- ءۇش اپتادا جويىلادى. سونىمەن قاتار ونشا اۋىر ەمەس سەبەپتەردەن تۋىنداعان داۋىستىڭ قارلىعۋى پايدا بولعاندا جىلدام كەتۋى مۇمكىن، ال بۇل قاتەرلى ىسىكتىڭ بەلگىسى بولسا داۋىس ۇنەمى قارلىعادى. سوندىقتان ەگەر پروبلەما بىرنەشە اپتادان كەيىن دە كەتپەسە، بۇل تەكسەرۋدى باستاۋعا ماڭىزدى سەبەپ"، - دەپ ەسكەرتتى مارك پورتەر.
تەراپيەۆت كەڭىردەكتىڭ قاتەرلى ىسىگىنە شالدىعۋ ءقاۋپى جوعارى ادامداردىڭ قاتارىندا تەمەكى شەگەتىندەر مەن الكوگولدى تىم كوپ ىشەتىندەر بار ەكەنىنە نازار اۋداردى. سونداي- اق قاتەرلى ىسىكتىڭ بۇل ءتۇرىنىڭ دامۋ ءقاۋپى ادام پاپيللوماۆيرۋسىن ارتتىرادى.
"ۇنەمى قارلىعاتىن نەمەسە ءالسىز داۋىس وكپەنىڭ قاتەرلى ىسىگىنىڭ العاشقى بەلگىلەرىنىڭ ءبىرى بولۋى مۇمكىن، ويتكەنى كومەي نەرۆتەرىنىڭ بىرىنە وكپەدەگى ىسىكتەر اسەر ەتەدى"، - دەپ قورىتىندىلادى مامان.
