دارىگەر قاتەرلى ىسىكتەن قورعايتىن سۋسىندى اتادى
مۇكجيدەك سۋسىنى ادامدى قاتەرلى ىسىكتەن قورعايتىن جانە جاسارتاتىن قاسيەتتەرگە يە، - دەپ حابارلايدى Massaget.kz ءتىلشىسى Rg.ru-گە سىلتەمە جاساپ.
ديەتولوگ ولەگ كريۆچەنكوۆ مۇكجيدەك سۋى قاتەرلى ىسىكتىڭ بىرنەشە ءتۇرىنىڭ دامۋ قاۋپىن تومەندەتەتىنىن ايتتى. ولاردىڭ ىشىندە اسقازان-ىشەك جولىمەن بايلانىستى اۋرۋلار، سونداي-اق پروستاتا، گليوبلاستوما، ليمفوما اۋرۋلارى بار.
ءوز كەزەگىندە دارىگەر-رەابيليتولوگ سەرگەي اگاپكين مۇكجيدەكتە بيولوگيالىق بەلسەندى زاتتاردىڭ كوپ مولشەرى بار ەكەنىن اتاپ ءوتتى. جانە ولاردىڭ اسەر ەتۋ مەحانيزمدەرى ءارتۇرلى. مىسالى، ولاردىڭ اراسىندا اسقازان قاتەرلى ىسىگىن قوزدىراتىن باكتەرياعا (H. pylori) اسەر ەتەتىنى بار.
"مۇكجيدەك بۇل باكتەريانىڭ بەلسەندىلىگىن تەجەيدى"، - دەپ اتاپ ءوتتى دارىگەر.
سونىمەن قاتار فلوريدا ۋنيۆەرسيتەتىنىڭ دەرماتولوگيا كافەدراسىنىڭ زەرتتەۋشىلەرى مۇكجيدەك شىرىنى تەرىنىڭ جاسارۋىنا ىقپال ەتەتىنىن انىقتادى. عالىمدار التى اپتا ىشىندە ەرىكتىلەرگە مۇكجيدەك سۋسىنىن بەرىپ، تاجىريبە جۇرگىزدى. العاشقى ناتيجەلەر ادامداردىڭ تەرىسى تەگىس بولا تۇسكەنىن كورسەتتى. 40 جاستان اسقان ايەلدەردىڭ ءاجىمى بۇرىنعىعا قاراعاندا اسا بايقالمايتىنى انىقتالعان. الايدا سۋسىن جاس قاتىسۋشىلارعا بۇلاي اسەر ەتپەدى.
