دارىگەر كىمدەرگە باسىن كۇن سايىن جۋۋ كەرەگىن ايتتى

استانا. KAZINFORM - شاشتىڭ كۇيى - ءار ادامنىڭ تارتىمدى كەلبەتىنىڭ ماڭىزدى بولىگى. شاشتى قالاي جۋۋعا بولادى، بوياۋعا بولا ما جانە قالاي ەمدەۋ كەرەگىن الەكساندر مياسنيكوۆ جانە تريحولوگ ايدا گادجيگورويەۆا ايتتى، - دەپ حابارلايدى Massaget.kz ءتىلشىسى.

Фото: freepik.com
Фото: freepik.com

شاشتى كۇن سايىن جۋۋعا بولا ما؟

«شاشتى قانشالىق ءجيى جۋۋ كەرەگى شاشتىڭ تۇرىنە بايلانىستى انىقتالادى. ەگەر ولار قالىپتى بولسا، وندا ولاردى 2 كۇندە ءبىر نەمەسە اپتاسىنا 3 رەت جۋۋعا بولادى. ەگەر شاش مايلى بولسا، ونى كۇن سايىن جۋۋ كەرەك. تاعى كوپ شەشىم شاشتىڭ ۇزىندىعىنا بايلانىستى. ادەتتە، شاش فولليكۋلاسى شىعاراتىن ماي شاشتىڭ ساۋ جانە جىلتىر بولىپ كورىنۋى ءۇشىن ونىڭ ۇشىنا جەتۋى كەرەك. ءبىراق شاش ۇزىن بولسا، ۇزاق ۋاقىت بويى شاشتى جۋماي ءجۇرۋ مۇمكىن ەمەس»، - دەپ ءتۇسىندىردى تريحولوگ.

مامان سۋسابىندى شاشتىڭ تۇرىنە جانە ولاردىڭ بويالعان- بويالماعانىنا سايكەس تاڭداۋ كەرەگىنە نازار اۋداردى. وعان قوسا، ول شاشتى قالىڭداتۋعا ارنالعان ونىمدەر پايداسىز ەكەنىن ەسكەرتتى.

شاشتىڭ تىم كوپ ءتۇسۋى - بۇل ۆيرۋستىق ينفەكتسيا نەمەسە قالقانشا بەزىنىڭ اۋرۋى ما؟

«شاشتىڭ ءبارى ءبىر كۇندە ءتۇسىپ قالۋى مۇمكىن ەمەس. ادەتتە ءار شاش تۇسكەن سايىن، ورنىنا قايتا جاڭاسى وسەدى. كەيدە شاش كوپ تۇسەدى، ويتكەنى ولار سينحروندالىپ، تۇسكەن كەزدە فازاعا ەنەدى. سودان كەيىن ولار وسەتىن كەزەڭ كەلەدى. جالپى العاندا، شاشتىڭ تىم كوپ ءتۇسۋى 3 ايدان استام ۋاقىت بويى جالعاسسا، مامان كەڭەسىنە جۇگىنگەن دۇرىس»، - دەپ ءتۇسىندىردى تريحولوگ.

الەكساندر مياسنيكوۆ شاشتىڭ تۇسۋىنە سترەسس نەمەسە تەمىر تاپشىلىعى سەبەپ بولۋى مۇمكىن ەكەنىن قوستى. ماسەلەنىڭ جاقسى جاعى دا بار - تاپشىلىقتىڭ ورنىن تولتىرعاننان كەيىن شاشتىڭ كۇيى قالپىنا كەلۋى ىقتيمال.

سونىمەن قاتار، الەكساندر مياسنيكوۆ شاشتىڭ تىم كوپ تۇسۋىنە اكەپ سوقتىراتىن ءبىرقاتار اۋرۋ بار ەكەنىن اتاپ ءوتتى، مىسالى، قالقانشا بەزىنىڭ اۋرۋلارى، لۋپۋس، ريەۆماتولوگيالىق اۋرۋلار جانە باسقالار.

شاش بىردەن اعارىپ كەتۋى مۇمكىن بە؟

دارىگەرلەر امەريكالىقتار عالىمدار جۇرگىزگەن زەرتتەۋ ناتيجەسىن كەلتىردى، ياعني ادام سترەسسكە قاتتى تۇسسە، شاش ەكى ساعاتتىڭ ىشىندە اعارۋى مۇمكىن. سترەسس بەلگىلى ءبىر نەيروپەپتيدتەرگە كۇشتى ەموتسيونالدى اسەر ەتەدى، بۇل مەلانوتسيتتەردىڭ توقىراۋىن دامىتادى.

سوڭعى جاڭالىقتار