دارىگەر كۇنگە اللەرگياسى بار ادامدارعا كەڭەس بەردى
كۇنگە اللەرگيا (فوتودەرماتوز) -بۇل تەرىنىڭ ۋلتراكۇلگىن ساۋلەلەرمەن جاناسۋىنا جاۋاپ رەتىندە پايدا بولاتىن اعزانىڭ جوعارى سەزىمتالدىعىنىڭ كورىنىسى.

نەلىكتەن كۇنگە اللەرگيا پايدا بولادى؟ ونىڭ بەلگىلەرى قانداي؟ كۇنگە اللەرگياسى بار ادامدار جاعدايىن جەڭىلدەتۋ ءۇشىن نە ىستەۋ كەرەك؟ بۇل سۇراقتارعا "يزۆەستيا"- عا اللەرگولوگ- يممۋنولوگ سۆەتلانا شارشكوۆا جاۋاپ بەردى، - دەپ حابارلايدى Massaget.kz ءتىلشىسى.
ول كۇننىڭ ساۋلەسى اللەرگەنگە جاتپايتىنىن ايتتى. اللەرگيانى كۇننىڭ ساۋلەسى ەمەس، تەرى استىنداعى فوتوسەنسيبيليزاتورلاردىڭ شامادان تىس جينالۋى تۋدىرادى. فوتوسەنسيبيليزاتورلار - كۇن ساۋلەسىنىڭ اسەرىنەن پايدا بولاتىن جانە تەرىنىڭ كۇن ساۋلەسىنە سەزىمتالدىعىن ارتتىراتىن زاتتار.
"كۇنگە اللەرگيانىڭ كورىنىستەرى بىرنەشە مينۋتتان بىرنەشە ساعاتقا دەيىن، ءتىپتى بىرنەشە كۇنگە دەيىن جانە ادەتتە تەرىنىڭ اشىق جەرلەرىندە پايدا بولادى. تەرىدە بىركەلكى قىزارۋ، ءىسىنۋ نەمەسە داقتار، كوپىرشىكتەر، قابىرشاقتانۋلار تۇرىندەگى ءارتۇرلى بورتپەلەر پايدا بولادى. ادامنىڭ ءۇستى قىشيدى، كۇيدىرىپ اۋىرادى جانە جاعىمسىزدىق سەزىنەدى"، - دەدى شارشكوۆا.
ونىڭ ايتۋىنشا، كوبىنە كۇنگە اللەرگيا - ۋاقىتشا قۇبىلىس. ءبىراق اۋىر جاعدايلاردا، جوعارىدا اتالعان بەلگىلەردەن باسقا، جالپى حال- جاعدايدىڭ ناشارلاۋىنىڭ بەلگىلەرى پايدا بولۋى مۇمكىن: باس اۋرۋى، جوعارى تەمپەراتۋرا.
"امبەباپ ەم جوق. العاشقى بەلگىلەر پايدا بولعان كەزدە كولەڭكەگە نەمەسە عيمارات ىشىنە كىرۋ كەرەك. ايقىن بەلگىلەر كەزىندە كلينيكادا ءدارى- دارمەكپەن ەمدەلۋ قاجەت: انتيگيستاميندىك دارىلەر ءىشۋ، تەرىگە ارنالعان كرەمدەر نەمەسە مازدەر جاعۋ"، - دەپ اتاپ ءوتتى دارىگەر.
ول سونداي- اق كۇنگە اللەرگياسى بار ادامدارعا قاجەتتى كەڭەستەرمەن ءبولىستى.
"ماۋسىمنىڭ باسىندا كۇننىڭ استىندا كوپ جۇرمەڭىز. كۇن ساۋلەسىنىڭ استىندا بولاتىن ۋاقىتتى بىرتىندەپ ارتتىرعان ءجون. وسىلايشا، اعزا ۋلتراكۇلگىن ساۋلەنىڭ اسەرىنە بىرتىندەپ ۇيرەنەدى جانە رەاكسيا قاۋپى ءبىرشاما تومەندەيدى. ساۋلەلەنۋ كۇشتى بولعان كەزدە ساعات 11:00 دەن 17:00 گە دەيىن دالاعا شىقپاڭىز. UVA- جانە UVB- ساۋلەلەنۋدەن قورعاۋى بار قۇرال قولدانىڭىز. جابىق جانە اشىق ءتۇستى كيىم كيىڭىز"، - دەپ كەڭەس بەردى شارشكوۆا.