دارىگەر ءتىس شۇقىعىشتى قولدانۋدىڭ قانداي زيانى بارىن ايتتى

 قاراپايىم ءتىس تازالاعىش اۋىز قۋىسىنىڭ ساۋلىعىنا ۇلكەن زيان كەلتىرۋى مۇمكىن. ماماندار مۇنداي گيگيەنالىق قۇرالدى قولدانۋ قانشالىق قاۋىپتى ەكەنىن ايتتى، - دەپ حابارلايدى Massaget.kz. ءتىس شۇقىعىش تىستەردىڭ اراسىنداعى تاماق قالدىقتارىن كەتىرۋدىڭ پايدالى قۇرالى. دەگەنمەن، ولاردى دۇرىس پايدالانباۋ ورنى تولماس زيان كەلتىرەتىنىن ءبىلىپ ءجۇرىڭىز.   

ماماندار ءتىس شۇقىعىشتى ۇنەمى قولدانۋ تىسكە قانداي زاقىم تيگىزەتىنىن ءتۇسىندىردى.

ءتىس ەمالىنىڭ زاقىمدانۋى. ءتىس شۇقىعىشتى قولدانعان كەزدە قاتتى قىسىم جاساساڭىز، ونىڭ بەتىندەگى قورعانىس قاباتىن زاقىمداپ الۋىڭىز مۇمكىن. بۇل تىستەردىڭ سۋىق جانە ىستىققا سەزىمتالدىعىن جوعارىلاتادى.

قىزىل يەكتىڭ زاقىمدانۋى. ءتىس شۇقىعىشتى قولدانعان كەزدە قىزىل يەككە قاتتى ءتيىپ كەتسەڭىز نەمەسە دۇرىس بۇرىشتى تاڭداماسىڭىز، قىزىل يەكتىڭ تىندەرىن تىتىركەندىرىپ الۋىڭىز مۇمكىن، ول تىتىركەنسە قانايدى جانە قابىنادى.

ورتودونتيالىق قۇرىلىمداردىڭ ورىن اۋىستىرۋى. ءتىس شۇقىعىشتى شامادان تىس قولدانۋ ورتودونتيالىق جۇيە كيىپ جۇرگەن ادامعا كەرى اسەر ەتىپ، سوڭى تىستەردىڭ دۇرىس ورنالاسپاۋىمەن اياقتالادى.

ءتىس تىندەرىنىڭ زاقىمدانۋى. كەيبىر ءتىس شۇقىعىشتىڭ ۇشى وتكىر نەمەسە تىم قاتتى ماتەريالداردان جاسالعان، ولار تىستەردىڭ ءتۇبىن دە زاقىمدايدى.

باكتەريالىق ينفەكسيا. ءبىر ءتىس شۇقىعىشتى بىرنەشە رەت قولدانعان كەزدە اۋىز قۋىسىندا ينفەكتسيانىڭ دامۋ ءقاۋپى ارتادى. ءتىس شۇقىعىش، ءتىس تازالاۋعا ارنالعان ءجىپ سياقتى، ءبىر رەت قولدانىلاتىن زات.

دارىگەرلەر وسىنداي ىقتيمالدىلىعى جوعارى ماسەلەلەردىڭ الدىن الۋ ءۇشىن ءتىس ءجىبىن، اۋىز قۋىسىن شايۋ نەمەسە يرريگاتوردى قولدانۋ مۇمكىندىگى بولماعان كەزدە عانا ءتىس شۇقىعىشتى دۇرىس، باپپەن قولدانعان دۇرىس ەكەنىن اتاپ ءوتتى.

ايتا كەتەيىك، بۇعان دەيىن ءتىس دارىگەرى قانداي ءدامى بار ءتىس پاستاسىن قولدانباۋعا كەڭەس بەرگەنى حابارلانعان ەدى.