دارىگەر باۋىردى قالىپقا كەلتىرەتىن 2 ءونىمدى اتادى

دەنساۋلىق
Фото: pixabay.com

 باۋىر - ءبىزدىڭ اعزامىزداعى كوپ قينالاتىن ورگاننىڭ ءبىرى. ول زاماناۋي ادامنىڭ ءومىر سالتىنىڭ بارلىق سالدارىمەن كۇرەسۋگە ءماجبۇر. باۋىر ساۋلىعىن قالپىنا كەلتىرۋگە كومەكتەسەتىن بىرنەشە ءونىم بار. ديەتولوگ ماريات مۋحينا وز مازىرىڭىزگە سارىمساق پەن بورىكگۇلدى (ارتيشوك) قوسۋعا كەڭەس بەردى، - دەپ حابارلايدى ماسساگەت "موسكۆا 24"-كە سىلتەمە جاساپ. 

بورىكگۇل باۋىردى قالپىنا كەلتىرەدى. سەبەبى ول ءوت ايدايتىن قاسيەتكە يە. سونداي-اق ول جامان حولەستەرين دەڭگەيىن ازايتادى جانە تابيعي ۋىتسىزداندىرۋ جۇيەسىن رەتكە كەلتىرەدى. بورىكگۇلدى حولەتسيستيت، سوزىلمالى گەپاتيت، باۋىر جەتكىلىكسىزدىگى، اتەروسكلەروز جانە سەمىزدىك كەزىندە راتسيونعا قوسۋ كەرەك.

باۋىرعا بىزگە ۇيرەنشىكتى سارىمساق تا پايدالى. ول قۇرامىنداعى امينقىشقىلداردىڭ ارقاسىندا زاقىمدالعان جاسۋشالاردى قالپىنا كەلتىرە الادى. وعان قوسا، سارىمساق قاندى سۇيىلتادى جانە ورگاننىڭ قانمەن قامتاماسىز ەتىلۋىن جاقسارتادى.

ال ءبىزدىڭ باۋىرىمىزدى نە بۇزادى؟

  1. ۇنەمى كوڭىلسىز ءجۇرۋ، ىزاعا بۋلىعۋ

قامىعۋ مەن مازاسىزدانۋ ادامدى ناۋقاسقا وڭاي شالدىقتىرادى، ادام ومىرىندە تورىعۋ، نارازى بولۋ جانە رەنىشتەر، تەڭسىزدىك سياقتى جاعدايلاردان ساقتانۋعا بولمايدى، الايدا تورىققان ساتتەردە مۇنداي كوڭىل كۇيدەن ارىلىپ، تابيعاتقا نەمەسە ادام جوق ورتالارعا بارىپ، ءىش-قۇستالىعىن شىعارىپ ايعايلاۋ، جەڭىل مۋزىكالاردى تىڭداپ، كوڭىل كۇيىن رەتتەۋ قاجەت.

  1. بەتالدى ءدارى ءىشۋ

بەتالدى ءدارى ءىشۋ بۇيرەك پەن باۋىردى زاقىمدايدى، ەشكىم دە ءومىر بويى ءدارى ىشپەيمىن دەپ ايتا المايدى. دەسە دە، ءدارىنى تەك دارىگەر كەڭەسىمەن عانا ىشكەن دۇرىس. سونداي-اق ءتۇرلى باد- تار دا باۋىرعا زاقىم كەلتىرۋى مۇمكىن. ولاردى دا قاجەت اناليزدەر تاپسىرىپ، اعزاعا قانداي دا ءبىر مينەرال جەتىسپەگەندە عانا ءىشۋ كەرەك.

  1. اراقتى كوپ ءىشۋ

بۇل ناشار ادەت باۋىردى زاقىمداپ، دەنساۋلىعىڭىزدىڭ اقاۋسىزدىعىنا اۋىر دارەجەدە ىقپال جاسايدى.

  1. ۇيقىنىڭ جەتكىلىكسىز بولۋى

ۇيقىنىڭ جەتكىلىكسىز بولۋى دەنەنى قالجىراتۋمەن بىرگە، دەنساۋلىققا دا كەرى اسەرىن جاسايدى.

  1. مايلى تاعامداردى كوپ جەۋ

لايىقتى مولشەردە مايلى تاعامداردى تۇتىنعاندا ول ادام دەنەسىن ەنەرگيامەن قامداپ، دەنەنىڭ فيزيولوگيالىق قىزمەتىن ساقتايدى. الايدا ماي قۇرامى جوعارى تاعامداردى ارتىق مولشەردە تۇتىنۋ ءتان ساۋلىعىڭىزعا ءوز زيانىن تيگىزۋى مۇمكىن. سوندىقتان مايلى تاعامداردى از تۇتىنىپ، وتباسىندا كوكونىستەرى مول تاعامداردى جاساپ، باۋىر مەن اسقازاندى كۇتىمدەگەن ءجون.

  1. تۇندە تاماقتانۋ

تۇنگى قوناعاسىلارىنىڭ، توي-تومالاقتىڭ، تۋعان كۇن كەشتەرىنىڭ كوبەيۋىنە بايلانىستى، تۇندە تويا تاماقتانۋ سىندى ناشار تۇرمىس ادەتى قالىپتاسا باستادى. وسىنداي ناشار تۇرمىس ادەتتەرى مەن تۇندە تاماقتانۋ باۋىردى زاقىمدايدى.

  1. تەمەكى تارتۋ

ءاربىر قوراپ تەمەكىدە «شىلىم شەگۋ دەنساۋلىققا زيان» دەگەن ەسكەرتۋ جازىلعان. تەمەكىنىڭ زيانى، ەڭ اۋەلى، تەمەكى تارتۋدان قالىپتاسقان تۇتىندەگى مىڭنان ارتىق زياندى زاتتاردى ادام دەنەسى سىمىرگەننەن كەيىن، ىشكى دەنە مۇشەلەرى مەن باۋىردى ءارتۇرلى دەڭگەيدە زاقىمدايدى ءارى ءتۇرلى اۋرۋلارعا دۋشار ەتىپ، قاتەرلى ىسىك اۋرۋىنا شالدىقتىراتىن باستى سەبەپتەردىڭ بىرىنە اينالادى. سوندىقتان باۋىردى قورعاۋ ءۇشىن تەمەكى تارتۋدان تىيىلعان ءجون.

سوڭعى جاڭالىقتار