داۋرەن ەلەۋسىنوۆ تۇركياداعى جەكپە-جەگىندە جەڭىلىپ قالدى

قازاقستاندىق بوكسشى داۋرەن ەلەۋسىنوۆ (11-2-1، 10 ك و) ىستانبۇلدا (تۇركيا) وتكەن بوكس كەشىندە ونەر كورسەتتى.

بۇل تۋرالى Sports.kz پورتالى حابارلايدى.

ول تانزانيا بوكسشىسى پيۋس مپەندامەن (8-1، 4 ك و) جۇدىرىقتاستى. ءبىرىنشى ورتا سالماقتاعى جەكپە-جەك ون راۋندقا سوزىلىپ، تورەشىلەردىڭ شەشىمىمەن مپەندانىڭ جەڭىسىمەن اياقتالدى.

وسىلايشا، پيۋس مپەندا كاسىپقوي بوكس مانسابىندا توعىزىنشى جەڭىسىنە قول جەتكىزسە، داۋرەن ەلەۋسىنوۆ ءۇشىنشى رەت جەڭىلىسكە ۇشىرادى.

ەلەۋسىنوۆ ءۇشىن بۇل 2023-جىلداعى ەكىنشى جەكپە-جەك بولدى: 37 جاستاعى قازاقستاندىق بوكسشى الدىڭعى كەزدەسۋىن ناۋرىزدا وتكىزدى. وندا وزبەك بوكسشىسى باحروم پايازوۆتى (22-22، 15 ك و) ەكىنشى راۋندتا نوكاۋتقا ءتۇسىردى.

ايتا كەتەيىك، داۋرەن ەلەۋسىنوۆ ІВО تۇجىرىمى بويىنشا الەم چەمپيونى دانيار ەلەۋسىنوۆتىڭ (11-0, 6 ك و) ءىنىسى.