دارحان قىدىرالى: زاڭ زورلىق-زومبىلىقتى ازايتادى دەپ سەنەمىز
استانا. KAZINFORM - قازاقستان پارلامەنتى سەناتىنىڭ دەپۋتاتى دارحان قىدىرالى ايەلدەر قۇقىعى مەن بالالاردىڭ قاۋىپسىزدىگىن قامتاماسىز ەتۋ جونىندەگى زاڭ تۋرالى Facebook الەۋمەتتىك جەلىسىندە جازبا قالدىردى.
دەپۋتات زاڭ ايەلدەر مەن بالالارعا جاسالاتىن زورلىق-زومبىلىقتى ازايتۋعا سەپتىگىن تيگىزەتىنىنە سەنىم ءبىلدىردى.
«مەملەكەت باسشىسى ايەلدەردىڭ قۇقىقتارىمەن بالالاردىڭ قاۋىپسىزدىگىن قامتاماسىز ەتۋ تۋرالى زاڭدارعا قول قويدى پرەزيدەنتتىڭ 2022 -جىلعى 16-ناۋرىزداعى جانە 2023 -جىلعى 1-قىركۇيەكتەگى جولداۋلارىندا ايەلدەر مەن بالالارعا قاتىستى زورلىق-زومبىلىق ءۇشىن جازانى قاتاڭداتۋدى تاپسىرعانى بەلگىلى. ەنگىزىلگەن تۇزەتۋلەر قوعامدا قىزۋ تالقىلاندى. زاڭ ايەلدەر مەن بالالارعا جاسالاتىن زورلىق-زومبىلىقتى ازايتادى دەپ سەنەمىز»، - دەدى دارحان ءقىدىرالى.
ەسكە سالا كەتەيىك، بۇگىن پرەزيدەنت ايەل قۇقىعى مەن بالالاردىڭ قاۋىپسىزدىگىن قامتاماسىز ەتەتىن زاڭدارعا قول قويدى.
