دامىعان ەلدەردە قىلمىستىق الەم دەگەن ۇعىم جوق - سادىر جاپاروۆ ۇيىمداسقان قىلمىستىق توپتار تۋرالى

қылмыспен күрес
Фото: Фото: kabar.kg

4- قازاندا بىشكەكتە جۇرگىزىلگەن ارنايى وپەراتسيا بارىسىندا قىرعىزستانداعى قىلمىس الەمىنىڭ سەركەسى اتانعان قامشى اسانبەكتىڭ (كولبايەۆ) كوزى جويىلدى.

بۇل وقيعا ەلدە ۇلكەن رەزونانس تۋدىرىپ، قوعامدا ءالى دە قىزۋ تالقىلانۋدا. قىرعىزستاندا ۇيىمداسقان قىلمىستىق توپ پەن ونىڭ جەتەكشىلەرى بولماۋى كەرەك دەگەن پىكىر ايتىلدى. بۇل تۋرالى ەل پرەزيدەنتى سادىر جاپاروۆ ءوز پىكىرىن ءبىلدىردى.

- مەملەكەتتىك ۇلتتىق قاۋىپسىزدىك كوميتەتىنىڭ ارنايى وپەراتسياسى كەزىندە ۇيىمداسقان قىلمىستىق توپ جەتەكشىسى قامشى كولبايەۆتىڭ ءولىمى الەۋمەتتىك جەلىلەردە ەڭ كوپ تالقىلانعان تاقىرىپتاردىڭ بىرىنە اينالدى. ونى سىناعاندارمەن قاتار، قولدايتىندار دا بولدى. «ولتىرمەي-اق تۇتقىنعا الۋعا بولماس پا ەدى؟» دەپ سۇراعاندار دا تابىلدى. ءسىز بۇل وپەراتسياعا دايىندىقتان حاباردار بولدىڭىز با؟

- مەن دە بۇل تۋرالى سىزدەر سياقتى ينتەرنەتتەن ءبىلىپ، دەرەۋ باس پروكۋرورعا اسكەري پروكۋرورلارمەن وقيعا ورنىنا بارىپ، جاعدايدى بايانداۋدى تاپسىردىم. كەلگەننەن كەيىن ول ماعان تەلەفون سوعىپ، اتىس بولعانىن، جارالانعاندار مەن قايتىس بولعاندار بار ەكەنىن ايتتى. ارنايى وپەراتسيانىڭ زاڭدىلىعىنا باعا بەرۋ ءۇشىن اسكەري پروكۋراتۋرا ءىستى جەدەل قولعا الدى. تەرگەۋ ءالى جالعاسۋدا. ناتيجەسىن كۇتەيىك.

- جالپى قىلمىستىق توپتار قوعام ومىرىنە، مەملەكەتتىك ورگانداردىڭ قىزمەتىنە قالاي اسەر ەتەدى؟ ۇيىمداسقان قىلمىستىق توپتار مەن ولاردىڭ جەتەكشىلەرى ەلىمىزدە بولماۋى كەرەك دەگەن پىكىر ايتىلدى. ءبىراق قىلمىس بەدەلدىلەرى كەي ماسەلەلەردى مەملەكەتتىك ورگاندارعا قاراعاندا تەزىرەك شەشە الادى دەيدى. بۇل تۋرالى نە ويلايسىز؟

- دامىعان ەلدەردە قىلمىستىق الەم دەگەن ۇعىم جوق، سول سەبەپتى دامىپ جاتىر. قىلمىستىق ورتا، ارينە، مەملەكەتتىڭ قىزمەتىنە عانا ەمەس، ازاماتتار مەن ينۆەستورلارعا دا كەرى اسەرىن تيگىزەدى. قىلمىسكەرلەر زامانى وتكەننىڭ ەنشىسىندە قالۋى كەرەك. قازىر 21- عاسىر. بارلىعى زاڭ اياسىندا بولۋى كەرەك. بىرەۋ قاراقشىلاردىڭ قولىنان زارداپ شەكسە، بۇل تۋرالى قۇقىق قورعاۋ ورگاندارىنا حابارلاۋ كەرەك. ءبىز تەزىرەك دامىعان مەملەكەتتىڭ جولىنا تۇسۋگە ءتيىسپىز. ونسىز دا دامۋ جولىندا كورشىلەس ەلدەردەن دە كوپ جىلدارعا ارتتا قالدىق.

وسىعان دەيىن قىرعىزستاندا كامچى كولبايەۆ ۇيىمداسقان قىلمىستىق توبىنىڭ بەلسەندى مۇشەسى ۇستالعانىن جازدىق.

سوڭعى جاڭالىقتار