داۋلەت تۇرلىحانوۆتىڭ ۇلىنا قاتىستى قىلمىستىق ءىستى اپەللياتسيالىق تەكسەرۋ باستالدى
ەلىمىزدىڭ اسكەري سوتىندا داۋلەت تۇرلىحانوۆتىڭ ۇلى نۇراسىل بولاتقا قاتىستى قىلمىستىق ءىستى اپەللياتسيالىق تەكسەرۋ باستالدى، دەپ حابارلايدى Kazinform.
«بۇگىن ق ر اسكەري سوتىندا بۇزاقىلىق نيەتپەن ەكى ادامنىڭ دەنساۋلىعىنا قاساقانا ورتاشا اۋىرلىقتاعى زيان كەلتىرگەن اسكەري قىزمەتشى ب- عا قاتىستى قىلمىستىق ءىستى اپەللياتسيالىق تەكسەرۋ باستالدى. بۇعان دەيىن ءبىرىنشى ساتىدا اسكەري قىزمەتشى ب- عا 500 ا ە ك - 17125000 تەڭگە مولشەرىندە ايىپپۇل سالىنعان بولاتىن. زارداپ شەگۋشىلەردىڭ پايداسىنا 1 ميلليون تەڭگە مولشەرىندە مورالدىق وتەماقى ءوندىرىپ الىندى. ءىس سوتقا زارداپ شەگۋشىلەردىڭ (باس بوستاندىعىنان ايىرۋدى سۇرايدى) جانە پروكۋروردىڭ (اقشالاي ايىپپۇلدى باس بوستاندىعىنا ايىر جازاسىنا اۋىستىرۋدى سۇرايدى)، سوتتالۋشىنىڭ ادۆوكاتىنىڭ (اقتاۋدى سۇرايدى) اپەللياتسيالىق شاعىمدارىنا بايلانىستى ءتۇستى»، - دەلىنگەن اسكەري سوت تاراتقان اقپاراتتا.
ەسكە سالا كەتەيىك، بيىل اقپاندا ن. بولات الماتىدا زاڭگەر اننا دميترييەۆيچ پەن ونىڭ كۇيەۋى ولەگ چەرنوۆتى سوققىعا جىققان ەدى.
وسى جىلدىڭ قازانىندا الماتى قالالىق اسكەري سوتى ۇكىمىمەن نۇراسىل بولات ق ك 107-بابىنىڭ 2-بولىگى 1 - جانە 5-تارماقتارىندا كوزدەلگەن قىلمىس جاساعانى ءۇشىن كىنالى دەپ تانىلىپ، وعان جازا تۇرىندە 1 ميلليون 700 مىڭ تەڭگە ايىپپۇل تاعايىندالعان بولاتىن.
