داۋلەت تۇرلىحانوۆتىڭ ۇلى تاعى دا ەلدى شۋلاتتى
استانا. KAZINFORM - ءماجىلىس دەپۋتاتى داۋلەت تۇرلىحانوۆتىڭ ۇلى نۇراسىل بولات تاعى دا ەلدى دۇرلىكتىردى.
الەۋمەتتىك جەلىدە نۇراسىلدىڭ تۋعان كۇندە وتىرعان ۆيدەوسى تارالىپ كەتتى. قىلمىستىق-اتقارۋ جۇيەسى كوميتەتى اتالعان جاعدايعا بايلانىستى پىكىر ءبىلدىردى.
«پروباتسيالىق باقىلاۋدى بۇزۋ فاكتىسى بويىنشا سوتتالعان ادامعا (نۇراسىل بولاتقا) ەسكەرتۋ جاسالدى، جازانى باس بوستاندىعىنان ايىرۋعا اۋىستىرۋ تۋرالى ماسەلەنى شەشۋ ءۇشىن سوتقا ماتەريال دايىندالىپ جاتىر»، - دەلىنگەن كوميتەتتىڭ رەسمي جاۋابىندا.
ەسكە سالا كەتەيىك، نۇراسىل بولات مامىر ايىنىڭ ورتاسىندا ەكى جىلعا باس بوستاندىعىن شەكتەۋ جازاسىنا كەسىلگەن بولاتىن. تالاپقا سايكەس، ول شەتەلگە شىعا المايدى، كلۋبتار مەن بارلارعا بارا المايدى، الكوگولدىك ىشىمدىكتەردى ىشە المايدى، ساعات 23.00 دەن كەيىن ۇيدەن شىقپاۋى كەرەك.
