د س م باسشىسى قوستانايدا سوققىعا جىعىلعان فەلدشەرگە قاتىستى پىكىر ءبىلدىردى
استانا. KAZINFORM — دەنساۋلىق ساقتاۋ ءمينيسترى اقمارال ءالنازاروۆا Instagram-داعى پاراقشاسىندا اتالعان وقيعاعا قاتىستى پىكىر ءبىلدىردى.
ونىڭ سوزىنشە، حالىقتىڭ دەنساۋلىعىن ساقتايتىن مەديتسينا قىزمەتكەرلەرىنىڭ قىزمەت بارىسىندا، ءوز دەنساۋلىعىنا قاتەر توندىرەتىن وقيعالارى كوبەيىپ بارادى. ول سوققىعا جىعىلعان فەلدشەر قىزعا ءوز تاراپىنان قولداۋ بىلدىرەتىنىن اتاپ ءوتتى.
— جاقىندا عانا قوستانايداعى جەدەل جاردەم فەلدشەرىنە شابۋىل جاسالدى. شاقىرتۋعا كەلگەن جاس قىزمەتكەر — انەل بايمۋرزينانىڭ ۇرىپ-سوعۋ سالدارىنان العان جاراقاتتارىنان اۋرۋحاناعا ءتۇستى. انەل بايمۋرزينانىڭ وتباسىنا ءوز تاراپىمنان قولداۋ بىلدىرە وتىرىپ، بۇل جاعدايدىڭ نازاردان تىس قالمايتىنىن جەتكىزەمىن، — دەپ جازدى مينيستر.
ءالنازاروۆا شۇعىل مەديتسينا قىزمەتكەرلەرى ادام ءومىرىنىڭ اسا قاۋىپتى كەزەڭىندە كومەككە كەلەتىن جانە ءوز ومىرىنىڭدە قاتەرىنە دە مان بەرۋگە مۇمكىندىگى بولا بەرمەيتىن قىزمەتكەرلەر ساناتىنا جاتاتىنىن ايتتى.
جەرگىلىكتى اتقارۋشى ورگانداردىڭ دەرەكتەرىنە سايكەس 2019-2023-جىلدار ارالىعىندا ەلىمىزدە قىزمەتتىك مىندەتتەرىن اتقارۋ كەزەڭىندە 158 مەديتسينا قىزمەتكەرلەرى زارداپ شەككەن. ونىڭ ىشىندە:
2022-جىلى — 46؛
2023-جىلى — 80؛
2024-جىلى — 9 شابۋىل تىركەلگەن.
د س م باسشىسى مۇنداي ارەكەتكە بارعاندار ءادىل جازاسىن الۋى ءتيىس ەكەنىن ايتتى.
— مەديتسينا قىزمەتكەرلەرىنىڭ قىزمەتتىك بورىشىن ورىنداۋى بارىسىندا، ولارعا جاسالعان شابۋىل، زورلىق-زومبىلىق ارەكەتتەرى ءۇشىن قىلمىستىق جاۋاپتىلىقتى ەنگىزۋگە بايلانىستى دەپۋتاتتاردىڭ قولداۋىنا سۇيەندىك. مۇنداي ارەكەتتەر ەركىندىكتى شەكتەۋگە جانە قوعامنىڭ ايىپتاۋىنا دەيىنگى ءادىل جازاسىن الۋى ءتيىس، — دەپ اتاپ ءوتتى اقمارال ءالنازاروۆا.
ول دەنساۋلىق ساقتاۋ مينيسترلىگى ءوز ءومىرىن قاتەرگە تىگىپ، باسقالاردىڭ ءومىرىن ساقتاپ قالاتىن مەديتسينا قىزمەتكەرلەرىنىڭ قايسارلىعى مەن باتىلدىعىن اتاپ وتەتىنىن ايتتى.
— دارىگەرلەر مەن مەيىرگەرلەر، بۇل — ءسىزدىڭ دەنساۋلىعىڭىزعا كۇندەلىكتى قامقورلىق جاسايتىن، ۋاقىتپەن، جەكە ومىرىمەن جانە قيىن جاعدايلارمەن ساناسپاي كومەككە كەلەتىن جاندار. دەنساۋلىق ساقتاۋ مينيسترلىگى ءوز ءومىرىن قاتەرگە تىگىپ، باسقالاردىڭ ءومىرىن ساقتاپ قالاتىن مەديتسينا قىزمەتكەرلەرىنىڭ قايسارلىعى مەن باتىلدىعىن اتاپ وتەتىن بولادى. ارىپتەستەرىمنىڭ ءوز ماماندىعىنا ادالدىعى قوعامعا كەڭىنەن تانىلىپ، بارىمىزگە ۇلگى بولۋى ءتيىس، — دەپ تۇيىندەدى مينيستر.
ەسكە سالساق، جاقىندا قايتىس بولعان ناۋقاستىڭ تۋىستارى قوستانايلىق جەدەل جاردەم فەلدشەرىن سوققىعا جىققانىن جازعان ەدىك.
