د د س ۇ: گازا سەكتورىنداعى دەنساۋلىق ساقتاۋ جۇيەسىنىڭ جاعدايى قيىن

گازا سەكتورىنداعى دەنساۋلىق ساقتاۋ جۇيەسىنىڭ جاعدايى مۇشكىل. بۇل تۋرالى جەنيەۆاداعى بريفينگ كەزىندە دۇنيەجۇزىلىك دەنساۋلىق ساقتاۋ ۇيىمىنىڭ رەسمي وكىلى تاريك ياشاريەۆيچ مالىمدەدى، دەپ حابارلايدى Kazinform رەسەيلىك تاسس اگەنتتىگىنە سىلتەمە جاساپ.

ДДСҰ
Фото: Фото: BBC

سونداي- اق رەسمي وكىل ءيزرايلدى 1,1 ميلليون تۇرعىندى سەكتوردىڭ سولتۇستىگىنەن وڭتۇستىگىنە ەۆاكۋاتسيالاۋ تۋرالى بۇيرىعىن توقتاتۋعا شاقىردى.

«گازا سەكتورىنداعى دەنساۋلىق ساقتاۋ جۇيەسىنىڭ ءحالى مۇشكىل. گازا سەكتورى وقشاۋلانعاندىقتان وتىن، سۋ مەن ازىق- تۇلىك، سونداي- اق ءومىر سۇرۋگە اسا قاجەت مەديتسينالىق جانە گۋمانيتارلىق جۇكتەردى جەتكىزۋ مۇمكىن بولماي، گۋمانيتارلىق اپاتتىڭ الدىن الۋ ۋاقىتى دا ازايىپ كەلەدى»، - دەپ اتاپ ءوتتى ياشاريەۆيچ.

«ب ۇ ۇ باسقا دا قۇرىلىمدارىنىڭ يزرايلگە جولداعان «گازانىڭ سولتۇستىگىندە تۇراتىن 1,1 ميلليون ادامدى 24 ساعات ىشىندە ەۆاكۋاتسيالاۋ تۋرالى بۇيرىعىن دەرەۋ توقتاتۋ» تۋرالى مالىمدەمەسىنە د د س ۇ دا قوسىلادى. قازىرگى اۋە سوققىلارىن ەسكەرەر بولساق، ازاماتتار تىعىلا الاتىن قاۋىپسىز ورىن قالعان جوق»، - دەپ ءتۇسىندىردى ول.

پالەستينا دەنساۋلىق ساقتاۋ مينيسترلىگى د د س ۇ- عا گازانىڭ سولتۇستىگىندە اۋرۋحانادا جاتقان ءالسىز ناۋقاستاردى ەۆاكۋاتسيالاۋ مۇمكىن ەمەس ەكەنىن جەتكىزدى. ول جاقتاعى 760 ناۋقاسقا ارنالعان ەكى ۇلكەن اۋرۋحانانىڭ مۇمكىندىگى تاۋسىلدى، دەدى د د س ۇ رەسمي وكىلى.

سونداي- اق ياشاريەۆيچ گازا سەكتورىنداعى شيەلەنىس باستالعالى دەنساۋلىق ساقتاۋ جۇيەسىنىڭ 11 قىزمەتكەرى قازا تاۋىپ، 16 سى جاراقات العانىن اتاپ ءوتتى.

بۇعان دەيىن يزرايل گازا سەكتورىنىڭ سولتۇستىگىندەگى تۇرعىندارعا الداعى 24 ساعات ىشىندە كەتۋگە بۇيرىق بەرگەنىن حابارلاعان بولاتىنبىز. بۇل تۋرالى ب ۇ ۇ باس حاتشىسىنىڭ باسپا ءسوز حاتشىسى ستەفان ديۋجارريك ءمالىم ەتتى. مۇندا شامامەن 1,1 ميلليون ادام تۋرالى ءسوز قوزعالىپ وتىر. بۇل - گازا سەكتورى حالقىنىڭ جارتىسى.

الايدا ب ۇ ۇ مۇنداي قونىس اۋدارۋ گۋمانيتارلىق زارداپسىز بولمايدى دەپ ەسەپتەپ، بۇيرىقتىڭ كۇشىن جويۋعا شاقىردى.

سوڭعى جاڭالىقتار