د د ۇ ەۋروپا بيۋروسى قازاقستاندا مەديتسينانى دامىتۋعا $1,8 ميلليون بولەتىن بولدى

ажар ғиният
Фото: Фото: ДСМ

  بۇگىن استانادا د د ۇ ەۋروپالىق وڭىرلىك كوميتەتىنىڭ 73-سەسسياسى بارىسىندا دەنساۋلىق ساقتاۋ مينيسترلىگى مەن ددۇ ەۋروپا بيۋروسىنىڭ اراسىندا 2024-2025 -جىلدارعا ارنالعان ەكى جىلدىق ىنتىماقتاستىق تۋرالى كەلىسىمگە قول قويىلدى، دەپ حابارلايدى Kazinform.

«بۇگىن قول قويىلعان د د ۇ- نىڭ ەۋروپالىق وڭىرلىك بيۋروسىمەن ىنتىماقتاستىق تۋرالى كەلىسىمنىڭ شەڭبەرىندە ءبىزدىڭ دەنساۋلىق ساقتاۋىمىزدى دامىتۋعا 1,8 ميلليون دوللار ءبولۋ جونىندە شەشىم قابىلداندى. بۇل قاراجات مەديتسينا قىزمەتكەرلەرىنىڭ الەۋەتىن ارتتىرۋ، انالاردىڭ، جاڭا تۋعان نارەستەلەردىڭ، بالالار مەن جاسوسپىرىمدەردىڭ دەنساۋلىعىن ساقتاۋ، ونكولوگيالىق جانە باسقا دا جۇقپالى ەمەس اۋرۋلارمەن، ا ي ت ۆ، ج ي ت س، تۋبەركۋلەزبەن كۇرەسۋ، مەديتسينا كادرلارىن وقىتۋ، حالىقپەن اقپاراتتىق جۇمىس جانە باسقا دا باعىتتار ءۇشىن حالىقارالىق ۇيىم تاراپىنان ساراپتامالىق، ءادىسنامالىق جانە تەحنيكالىق قولداۋ كورسەتۋگە باعىتتالاتىن بولادى"، - دەپ مالىمدەدى دەنساۋلىق ساقتاۋ ءمينيسترى اجار عينيات د د ۇ ەۋروپا بيۋروسىنىڭ فورۋم الاڭىندا وتكەن بريفينگتە.

مينيستر وتكەن ەكى ءىس- شارانىڭ - دەنساۋلىق ساقتاۋ مينيسترلەرى، د د ۇ ساراپشىلارى، ددۇ ەۋروپالىق وڭىرىنە مۇشە 80 نەن استام مەملەكەتتىڭ ماماندارى، سونداي- اق ارىپتەس ۇيىمدار مەن ازاماتتىق قوعام وكىلدەرى قاتىساتىن م س ا ك جونىندەگى جاھاندىق كونفەرەنتسياسى مەن ددۇ ەۋروپالىق وڭىرلىك كوميتەتىنىڭ 73- سەسسياسىنىڭ ەرەكشە ماڭىزىن اتاپ ءوتتى.

«كونفەرەنسياعا قاتىسۋشىلار دەنساۋلىق ساقتاۋ جۇيەسىنىڭ نەگىزى – م س ا ك- تى دامىتۋدى قولداۋدا ىنتىماقتاستى. دەلەگاتتار م س ا ك بازالىق قىزمەتتەرىن كەڭەيتۋ، ازاماتتاردىڭ مەديتسينالىق كومەككە تەڭ قولجەتىمدىلىگىن قامتاماسىز ەتۋ ءۇشىن ينۆەستيتسيالاردى ۇلعايتۋ پايداسىنا ءسوز سويلەدى. سونداي- اق ەڭ باستىسى مەملەكەت، ۇكىمەت باسشىلىعىنىڭ تاراپىنان جوعارى ساياسي قولداۋ قاجەت»، - دەپ اتاپ ءوتتى ا. عينيات.

مينيستر اتاپ وتكەندەي، بۇل الاڭدا بارلىق ەلدەردىڭ دەنساۋلىق ساقتاۋ كۇن تارتىبىندەگى سىن- قاتەرلەردى ەڭسەرۋ ءۇشىن ماڭىزدى شەشىمدەر قابىلدانۋدا.

«پرەزيدەنت توقايەۆ مساك بويىنشا دوستاستىق ەلدەر كواليتسياسىن قۇرۋ تۋرالى يننوۆاتسيالىق ۇسىنىستى ۇسىندى. كوپتەگەن ەلدەردە مساك بويىنشا جاعداي قازاقستانداعىداي جاقسى ەمەس، ولار نەگىزىنەن قىمبات تەحنولوگيالارعا ينۆەستيتسيالارمەن شەكتەلەدى. COVID-19 پاندەمياسىنان بەرى ءبىز حالىقتى قورعاۋ بويىنشا ەڭ جاقسى ناتيجەنى مساك دەڭگەيى جوعارى ەلدەر كورسەتكەنىن تۇسىنەمىز»، - دەدى بريفينگ بارىسىندا د د ۇ ەۋروپالىق بيۋروسىنىڭ ديرەكتورى حانس كليۋگە.

ول كواليتسيا قۇرۋ باستاماسى كەلەسى جىلى بۇۇ باس اسسامبلەياسىنىڭ وتىرىسىندا تالقىلاناتىنىن ايتتى.

دوكتور كليۋگە قازاقستاننىڭ دەنساۋلىق ساقتاۋ سالاسىنداعى سيفرلاندىرۋ دەڭگەيىنە جوعارى باعا بەردى، بۇل سالاداعى كادرلاردىڭ جەتىسپەۋشىلىگى ماسەلەلەرىن شەشۋگە كومەكتەسەدى.

ول قازاقستاندا پسيحولوگتاردى م س ا ك ماماندارى توبىنا قوسۋعا كوپ كوڭىل بولىنەتىنىن اتاپ ءوتىپ، پسيحيكالىق دەنساۋلىق - الەمنىڭ بارلىق وڭىرلەرىندە جاڭا پاندەميا ەكەنىن اتاپ ءوتتى.

جۋرناليستىڭ كوروناۆيرۋس ينفەكسياسى پاندەمياسىنىڭ قايتالانۋى تۋرالى سۇراعىنا ح. كليۋگە ۆاكتسيناتسيانىڭ، اسىرەسە قىس مەزگىلىنە جاقىن، قاۋىپ توبىنداعى ادامدار، قارتتار، سوزىلمالى اۋرۋى بار ادامدار ءۇشىن ماڭىزىن اتاپ ءوتتى.

«مىنە، مەن تاعى دا حالىقارالىق ىنتىماقتاستىققا ورالعىم كەلەدى، ەلدەر ۆاكسينانى وزدەرى ازىرلەمەۋى جانە ۇستاماۋى كەرەك، ولار ءبولىسىپ، الماسۋى كەرەك. دياگنوستيكا جانە ەمدەۋ - بۇل جەردە د د ۇ- نىڭ كۇشتى جۇمىسى دا ماڭىزدى، ويتكەنى پرەزيدەنت توقايەۆ دوكتور تەدروسپەن كەزدەسۋىندە د د ۇ- نىڭ دەنساۋلىق ساقتاۋ ماسەلەلەرىن جاھاندىق ۇيلەستىرە الاتىن جالعىز اگەنتتىك ەكەنىن انىق ايتتى. ەندى ءبىز كەلەسى جاھاندىق ىندەتتەرگە دايىن بولامىز دەپ سەنەمىن»، - دەدى د د ۇ ەۋروپا وڭىرلىك بيۋروسىنىڭ باسشىسى.

سوڭعى جاڭالىقتار