د د ۇ باسشىسى استاناداعى جۇگىرۋ جارىسىنا قاتىستى
استانادا م س ا ك بويىنشا الماتى دەكلاراتسياسىنىڭ 45 جىلدىق مەرەيتويىنا، استانا دەكلاراتسياسىنىڭ 5 جىلدىق مەرەيتويىنا جانە د د ۇ-نىڭ 75 جىلدىق مەرەيتويىنا ارنالعان م س ا ك بويىنشا جاھاندىق كونفەرەنسيا وتكىزۋ شەڭبەرىندە بوتانيكالىق باقتا «سوزدەن ىسكە/Walk the talk/» ۇرانىمەن قىسقا قاشىقتىققا جۇگىرۋ ءداستۇرلى اكسياسى ءوتتى، دەپ حابارلايدى Kazinform دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
بۇل جولعى جارىسقا قاتىسۋ ءۇشىن 800 دەن استام ادام تىركەلدى. ونىڭ ىشىندە ءبىرىنشى قاتاردا دۇنيەجۇزىلىك دەنساۋلىق ساقتاۋ ۇيىمىنىڭ باسشىسى تەدروس گەبرەيەسۋس، د د ۇ ەۋروپالىق وڭىرلىك بيۋروسىنىڭ ديرەكتورى حانس كليۋگە، ق ر دەنساۋلىق ساقتاۋ ءمينيسترى اجار عينيات، ەلوردالىق دەنساۋلىق ساقتاۋ ۇيىمدارىنىڭ مەديتسينا قىزمەتكەرلەرى، استانا مەديتسينا ۋنيۆەرسيتەتىنىڭ ستۋدەنتتەرى، ءارتۇرلى سپورت تۇرلەرىنەن وليمپيادا چەمپيوندارى جانە بەلسەندى ءومىر سالتىن ۇستاناتىن، سپورتپەن شۇعىلداناتىن قالا تۇرعىندارى بار.
ءىس-شارانى اشقان ق ر دەنساۋلىق ساقتاۋ مينيسترلىگىنىڭ باسشىسى الەمنىڭ 80 ەلىنەن كەلگەن دەلەگاتسيا قاتىسۋىمەن وتەتىن م س ا ك جونىندەگى جاھاندىق كونفەرەنسيا سياقتى ماڭىزدى وقيعالار قارساڭىندا د د ۇ كەز كەلگەن ەلدە سالاماتتى ءومىر سالتىن ۇستانۋدىڭ ەڭ جاقسى كورىنىسى بولعان وسىنداي دەنساۋلىق مارافوندارىن وتكىزەتىنىن اتاپ ءوتتى.
دوكتور تەدروس گەبرەيەسۋس جارىسقا قاتىسۋشىلاردى دا قۇتتىقتاپ، م س ا ك-تىڭ ادامداردىڭ دەنساۋلىعىن جاقسارتۋداعى ەرەكشە ءرولىن اتاپ ءوتتى.
«2018 -جىلى ءبىز وسىنداي ءىس-شارا وتكىزدىك، الماتى دەكلاراتسياسىنىڭ 40 جىلدىعىن اتاپ وتتىك جانە وسى جەردە مەن وسى ساياباقتا ءسوز سويلەدىم، اعاشتاردىڭ وسكەنىن كورگەنىمە وتە قۋانىشتىمىن! استانا دەكلاراتسياسىن قولداۋدىڭ، ىلگەرىلەتۋدىڭ ارقاسىندا سوڭعى 5 -جىلدا مەديتسينالىق-سانيتاريالىق العاشقى كومەك تە ءوزىنىڭ دامىپ كەلەدى. بۇل مارافوننىڭ ماقساتى - سوزدەن ىسكە، بارلىعىنا دەنساۋلىق ساقتاۋ سالاسىن ىلگەرىلەتۋ، دەنساۋلىق ساقتاۋ قىزمەتىمەن ءبارىن قامتاماسىز ەتۋ»، - دەدى دوكتور گەبرەيەسۋس بوتانيكالىق باقتا جارىس باستالار الدىندا سويلەگەن سوزىندە.
د د ۇ باسشىسى قازاقستاندىقتارعا جامان ادەتتەردەن ارىلۋعا، الكوگول مەن تەمەكى شەگۋگە قارسى تۇرۋعا، فيزيكالىق بەلسەندى بولۋدى ۇسىندى.
«بۇل ومىردەگى ەڭ جاقسى كورەتىن نارسە - مەديتسينالىق وقۋ ورىندارىنىڭ ستۋدەنتتەرىمەن اڭگىمەلەسۋ، ال ەكىنشىسى - فيزيكالىق بەلسەندىلىك. بۇل جاھاندىق كونفەرەنسيانىڭ وتە شابىتتاندىراتىن باستاماسى»، - دەدى د د ۇ ەۋروپالىق وفيسىنىڭ ديرەكتورى، دوكتور حانس كليۋگە.
«بىرنەشە اپتا بۇرىن سىزدەردىڭ مينيسترلەرىڭىز نيۋ-يوركتە وتكەن ب ۇ ۇ باس اسسامبلەياسىنىڭ شەڭبەرىندە ماڭىزدى سەسسيالاردىڭ ءبىرىن وتكىزدى. ءسىز وتە جاقسى اسەر قالدىردىڭىز، بارلىق دەلەگاتسيالار ءسىزدىڭ كوشباسشىلىق قابىلەتتەرىڭىزدى اتاپ ءوتتى»، - دەپ مويىندادى مالتا پرەمەر-ءمينيسترىنىڭ ورىنباسارى جانە دەنساۋلىق ساقتاۋ ءمينيسترى كريستوفەر فيرن (Christopher Fearne).
«وسى دەمالىس كۇندەرى مەنىڭ ەلىم مالتادا مەديتسينالىق تەحنولوگيالار بويىنشا دۇنيەجۇزىلىك كونفەرەنتسيا ءوتتى. كەشە استاناعا ۇشقانىمدا، مەنىڭ جانىمدا شۆەتسيادان كەلگەن قىز ۇشاقتا وتىردى. ول دا مالتاعا كوپبەيىندى كونفەرەنسياعا ۇشىپ كەلدى. ول جاساندى جۇرەكتەردى جاساۋ ءۇشىن جۇمىس ىستەيدى. ونىڭ ايتۋىنشا، استانا - جاساندى جۇرەكتەرى بار ەلوردا. دوكتور تەدروس پەن كليۋگە ايتقانداي، ەگەر سىزدەر فيزيكالىق بەلسەندىلىكپەن اينالىساتىن بولساڭىزدار، سىزدەرگە جاساندى جۇرەكتەر قاجەت ەمەس، ءوز جۇرەكتەرىڭىز جەتكىلىكتى بولادى»، - دەدى مالتا دەنساۋلىق ساقتاۋ مينيسترلىگىنىڭ باسشىسى.
ءىس-شارانىڭ قۇرمەتتى قوناعى رەتىندە بەلگىلى سپورتشىلار، بىرنەشە دۇركىن وليمپيادا جۇلدەگەرلەرى، ولاردىڭ ىشىندە بوكستان الەم چەمپيونى، ق ر ەڭبەك سىڭىرگەن جاتتىقتىرۋشىسى مەرەي اقشالوۆ، تاەكۆوندودان ق ر بىرنەشە دۇركىن چەمپيونى، حالىقارالىق تۋرنيرلەردىڭ جەڭىمپازى، الەم چەمپيوناتتارىنىڭ، ازيا چەمپيوناتىنىڭ قولا جۇلدەگەرى، بەيجىڭ وليمپياداسىنىڭ قولا جۇلدەگەرى، ارمان چيلمانوۆ، ەكى دۇركىن وليمپيادا جانە اۋىر اتلەتيكادان ءتورت دۇركىن الەم چەمپيونى، بىرنەشە دۇركىن الەم رەكوردشىسى يليا يلين، كوركەم گيمناستيكادان ازيا ويىندارىنىڭ چەمپيونى اننا اليابيەۆا شاقىرىلدى.
ساۋىقتىرۋ اكسياسىنا قاتىسۋشىلار ءۇشىن مەديتسينالىق شاتىرلار ورناتىلىپ، جەدەل دياگنوستيكادان ءوتىپ، قان قىسىمىن ولشەي الادى.
