ءۇندىستاندا بىرنەشە اي بويى كەمەدە بولعان قازاقستاندىق ەلگە قاشان ورالادى

سىرتقى ىستەر مينيسترلىگى ونىڭ ەلگە ورالۋىنا قاتىستى قانداي جۇمىس جۇرگىزىلىپ جاتقانىن ايتىپ بەردى.

29-قازاندا ەكيپاجدىڭ العاشقى جەتى مۇشەسىنە كەمەدەن كەتۋگە رۇقسات بەرىلدى. ولاردىڭ التاۋى - رەسەي، بىرەۋى مىسىر ازاماتى. تەڭىزشىلەر ءۇندىستاننىڭ وديشا شتاتىنىڭ اكىمشىلىك ورتالىعى بحۋبانەشۆار قالاسىنا جەتكىزىلدى. ولار 31-قازاندا ءوز ەلدەرىنە ۇشۋى ءتيىس.

باستاپقىدا تانكەر بورتىندا 23 ادام بولعان. ونىڭ 20 سى - رەسەي، 2 ەۋى - مىسىر، 1 ەۋى - قازاقستان ازاماتى.

قازاقستان س ءى م مالىمەتىنشە، قازىر وتانداسىمىزدىڭ ءۇندىستاننان ەلگە قايتۋى ءۇشىن قاجەتتى قۇجاتتاردى راسىمدەۋ جۇمىستارى جۇرگىزىلىپ جاتىر. قازاقستاننىڭ ءۇندىستانداعى ەلشىلىگى جاعدايدى باقىلاۋدا ۇستاپ وتىر.

- ازاماتىمىزدى ەلگە قايتارۋ ءۇشىن ءۇندىستاننىڭ سىرتقى ىستەر مينيسترلىگىمەن جانە باسقا دا قۇزىرلى ورگاندارىمەن بىرلەسكەن جۇمىس جۇرگىزىلىپ جاتىر. ءۇندىستان سوتى ۇستالعان كەمەنىڭ ەكيپاجىن اۋىستىرۋ تۋرالى شەشىم قابىلدادى. قازىرگى ۋاقىتتا ۆيزا راسىمدەۋ جانە ازاماتىمىزدى ەلگە قايتارۋ ماسەلەلەرى شەشىلۋدە، - دەپ مالىمدەدى مينيسترلىك.

كامەرۋن تۋىمەن جۇزەتىن Unity تانكەرى 2026-جىلعى 11-مامىردان بەرى ءۇندىستاننىڭ پاراديپ پورتىندا تۇر. جەرگىلىكتى جانارماي جەتكىزۋشى كومپانيا مەن كەمە يەسىنىڭ اراسىنداعى قارجىلىق داۋعا بايلانىستى سوت تانكەردىڭ پورتتان شىعۋىنا تىيىم سالعان.

سالدارىنان ەكيپاج مۇشەلەرى بىرنەشە اي بويى كەمەدەن كەتە الماعان. ءۇندىستاندىق ب ا ق مالىمەتىنشە، وسى ۋاقىت ىشىندە تەڭىزشىلەر ازىق-تۇلىك پەن اۋىزسۋ تاپشىلىعىنا تاپ بولعان. سونداي-اق ولاردىڭ جالاقىسى دا ۋاقىتىلى تولەنبەگەن.

ەسكە سالايىق، 17-قىركۇيەكتە قازاقستاننىڭ سىرتقى ىستەر مينيسترلىگى تانكەردىڭ ۇستالعانىن راستاعان بولاتىن. سول كەزدە ۆەدومستۆو جاعدايدى رەتتەۋگە جاردەمدەسۋدى سۇراپ، ءۇندىستان تاراپىنا ديپلوماتيالىق نوتا جولداعانىن حابارلادى.

17-قازاندا بورتىندا قازاقستان ازاماتى بار تانكەردىڭ ساتىلىمعا شىعارىلۋى مۇمكىن ەكەنى حابارلاندى. تەڭىزشىلەردىڭ جاقىندارىنىڭ ايتۋىنشا، ولاردىڭ ورنىنا باسقا ەكيپاج كەلمەيىنشە، كەمەدەن كەتۋىنە رۇقسات بەرىلمەگەن.