عىلىم مينيسترلىگى بلوگەرلەر وتكىزەتىن كۋرستاردىڭ ساپاسىن تەكسەرمەيدى
استانا. KAZINFORM — ق ر عىلىم جانە جوعارى ءبىلىم ۆيتسە-ءمينيسترى دارحان احمەد-زاكي بلوگەرلەردىڭ اقىلى نەگىزدەگى ساپاسىز ءبىلىم بەرۋ كۋرستارىنا قاتىستى پىكىر ايتتى.

بۇگىن سەناتتىڭ جالپى وتىرىسىنان كەيىنگى باسپا ءسوز ءماسليحاتىندا بلوگەرلەردىڭ وسىنداي كۋرستارىن عىلىم مينيسترلىگىنىڭ قاداعالاۋى مۇمكىندىگى تۋرالى سۇرادى.
ءوز كەزەگىندە ۆيتسە-مينيستر بۇل سۇراق عىلىم مينيسترلىگىنىڭ قۇزىرەتىنە جاتپايتىنىن ايتتى.
— بلوگەرلىكپەن اينالىسۋ بۇقارالىق اقپارات قۇرالى سالاسىنا قاتىستى. عىلىم جانە جوعارى ءبىلىم مينيسترلىگى عىلىمدى ناسيحاتتاۋعا اتسالىسىپ، عىلىممەن اينالىسۋدىڭ ماڭىزدىلىعىن ىلگەرىلەتىپ جۇرگەن ارىپتەستەرىمەن تىعىز بايلانىستا جۇمىس ىستەپ كەلەدى. سوندىقتان ءبىز وعان قارسى ەشقانداي الدىن الۋ شارالارىن قابىلدامايمىز جانە بۇل ءبىزدىڭ قۇزىرەتىمىزگە جاتپايدى، — دەدى د. احمەد-زاكي.
ەسكە سالساق، بىلتىر كۇزدە ەلىمىزدە رەسمي تۇردە 745 بلوگەر تىركەلگەنى ءمالىم بولدى. ولار 2024-جىلدىڭ 9 ايىندا مەملەكەتكە 1,2 ميلليارد تەڭگەدەن استام سالىق تولەدى.