عىلىم ءمينيسترى ستۋدەنتتەر جاتاقحاناسى ماسەلەسى قاشان شەشىلەتىنىن ايتتى

 استانا. KAZINFORM - عىلىم جانە جوعارى ءبىلىم ءمينيسترى ساياسات نۇربەك ەلىمىزدەگى جوعارى ورىندارىن جاتاقحانامەن قامتاماسىز ەتۋ جۇمىستارىنا تۇسىنىك بەردى.

«جاتاقحانالار بويىنشا ماسەلە ءالى دە وزەكتى. قازىر ورتا مەرزىمگە ارنالعان شارالار جۇكتەمەنى ازايتادى دەگەن ويدامىن. جالپى، بۇل باعىتتا اۋقىمدى ينفراقۇرىلىمدىق باعدارلاما كەرەك ەكەنىن ءتۇسىنىپ وتىرمىز. قازىر 20 مىڭنان استام ورىن تاپشىلىعى بار. بىلتىر 43 جاتاقحانا پايدالانۋعا بەرىلدى. بيىل 10 مىڭ ورىنعا ەسەپتەلگەن جاتاقحانالار تاپسىرىلادى»، - دەدى س. نۇربەك پارلامەنت ماجىلىسىندە تىلشىلەر سۇراعىنا جاۋاپ بەرە وتىرىپ.

مينيستر ەلىمىزدەگى دەموگرافيلىق ءوسىمدى ەسكەرە وتىرىپ، جاتاقحانا تاپشىلىعى ماسەلەسىن شەشۋ كۇردەلى ەكەنىن ايتتى.

«ورىن تاپشىلىعىن ازايتۋعا بولادى. ءبىزدىڭ جوسپارىمىز اياسىندا 2028 -جىلعا دەيىن تاپشىلىقتى 7-10 مىڭ دەڭگەيىنە تۇسىرمەكپىز. استانا مەن الماتىداعى ماسەلەنى شەشسەك، باسقا وڭىرلەردە سونشالىقتى تاپشىلىق جوق. قازىر اقتوبە، شىمكەنت جانە تۇركىستاندا سۇرانىس بىرتىندەپ ارتىپ كەلەدى. بۇل ماسەلەنى ارنايى مەملەكەتتىك- جەكەشەلىك سەرىكتەستىكتىك ارقىلى شەشۋ ۇسىنىسىن جاسادىق. جەكەمەنشىك سەكتوردى جاتاقحانالار مەن وقۋ عيماراتتارىن سالۋعا تارتامىز»، - دەدى ۆەدومستۆو باسشىسى.

بۇدان بۇرىن حابارلانعانداي، ەلىمىزدە ستۋدەنتتەردىڭ 18 پايىزى عانا جاتاقحانادا تۇرىپ جاتىر.