عىلىمعا بيزنەس تاراپىنان سۇرانىس جەتكىلىكسىز - جوعارى اۋديتورلىق پالاتا

- مەملەكەت باسشىسى ەلدىڭ تەحنولوگيالىق ەگەمەندىگى جانە باسەكەگە قابىلەتتىلىگىنىڭ نەگىزى رەتىندە عىلىمنىڭ دامۋىنا ەرەكشە ءمان بەرەدى. كونستيتۋتسيادا دا ادام كاپيتالىن، عىلىم مەن يننوۆاتسيانى دامىتۋ مەملەكەتتىڭ ستراتەگيالىق باسىمدىعى رەتىندە بەلگىلەنگەن. بۇل عىلىمدى باسقارۋ جۇيەسىنە جانە ونىڭ تۇپكىلىكتى ناتيجەسىنە قويىلاتىن تالاپتاردى ارتتىرادى. سوڭعى جىلدارى بۇل سالادا ماڭىزدى شارالار قابىلداندى. عىلىمدى قارجىلاندىرۋ ەداۋىر ۇلعايىپ، جوعارى عىلىمي ۇيىم رەتىندە ۇلتتىق عىلىم اكادەمياسى قايتا قۇرىلدى. جوعارى وقۋ ورىندارى مەن عىلىمي ۇيىمداردىڭ ماتەريالدىق-تەحنيكالىق بازاسى نىعايتىلىپ، جاس عالىمدارعا قولداۋ كورسەتىلىپ جاتىر. 2025-جىلى جۇرگىزىلگەن ءاۋديتتىڭ قورىتىندىسى بويىنشا ۇكىمەتكە 8 ۇسىنىم، ال اۋديت وبەكتىلەرىنە 88 تاپسىرما بەرىلدى. ونىڭ جارتىسىنان استامى بۇگىندە ورىندالدى، - دەدى پالاتا ءتوراعاسى.

ونىڭ دەرەگىنشە، عىلىم قورى ارقىلى تاجىريبەلىك-كونسترۋكتورلىق ازىرلەمەلەردى گرانتتىق قارجىلاندىرۋ زاڭنامالىق تۇردە قاراستىرىلدى. مينيسترلىكتىڭ عىلىمي زەرتتەۋلەرگە ارنالعان ساتىپ الۋ قاعيدالارىن بەكىتۋ جونىندەگى قۇزىرەتى بەكىتىلدى. اككرەديتتەۋ جانە عىلىمي ساراپتاما راسىمدەرى، سونداي-اق اپەللياتسيالاردى قاراۋ ءتارتىبى رەتتەلدى. عىلىمي ناتيجەلەردى ەنگىزۋدى راستاۋدىڭ ءبىرىڭعاي نىسانى جانە كوممەرتسيالاندىرۋ جوبالارى بويىنشا جوسپارلى ساتۋ كورسەتكىشتەرىن ايقىنداۋ ادىستەمەسى بەكىتىلدى.

- وكىنىشكە قاراي، 2026-جىلعى اۋديت ناتيجەلەرى قابىلدانعان شارالارعا قاراماستان، عىلىمدى باسقارۋدا ءبىرقاتار جۇيەلى پروبلەمانىڭ ساقتالىپ وتىرعانىن كورسەتتى. قارجىلاندىرۋ كولەمى ۇلعايعانىمەن، ءتيىستى تەحنولوگيالىق ناتيجەلەر سالىستىرمالى تۇردە كورىنىس تاپپاي وتىر. 2022-2025 -جىلدارى عىلىمعا جۇمسالعان قاراجات 122 دەن 262 ميلليارد تەڭگەگە دەيىن ءوستى. الايدا عىلىمنىڭ ەكونوميكاداعى ۇلەسى تومەن بولىپ، جالپى ىشكى ونىمگە شاققاندا %1 ءتىڭ ورنىنا ناقتى %0,16 ءتى قۇرادى. قارجىلاندىرۋ نەگىزىنەن بيۋدجەتپەن قامتاماسىز ەتىلەدى. ونىڭ ۇلەسى %55 تەن %82 كە دەيىن ۇلعايدى. بۇل عىلىمنىڭ مەملەكەتكە تاۋەلدى ەكەنىن جانە بيزنەس تاراپىنان سۇرانىستىڭ جەتكىلىكسىزدىگىن كورسەتەدى. سونىمەن بىرگە، تاجىريبەلىك-كونسترۋكتورلىق ازىرلەمەلەردىڭ ۇلەسى %13 تەن %5 كە دەيىن تومەندەدى،- دەدى ءاليحان سمايىلوۆ.

ايتا كەتەيىك، قۇرىلتاي وتىرىسىندا عىلىمدى دامىتۋعا بولىنگەن قاراجاتتىڭ پايدالانىلۋىنا قاتىستى جوعارى اۋديتورلىق پالاتا ءتوراعاسىنىڭ ەسەبى تىڭدالىپ، ءبىرقاتار زاڭ جوباسى تالقىعا سالىنادى.