ءىشىپ كەتتىم: ءانشى نۇرلان ءامىروۆ جان سىرىن اقتاردى

استانا. قازاقپارات - قالىڭ كوپشىلىككە تانىمال «نۇرلان مەن مۇرات» دۋەتىنىڭ ءانشىسى نۇرلان ءامىروۆ باسىنان وتكەن اۋىر كەزەڭدى ەسكە الىپ، جان سىرىن اقتاردى. ونەر يەسى ارباعا تاڭىلىپ، 3-4 جىلداي قاتتى قينالعانىن ايتتى.

نۇرلان ءامىروۆ باسىنان وتكەن قيىن كەزەڭ تۋرالى El.kz» Youtube» ارناسىنا بەرگەن سۇقباتىندا ايتتى.

«حالىققا «جۇلدىزىم» ءانىنىڭ كليپى ۇنادى. ومىردەن الىنعان وقيعا. پروديۋسەرىمىزدىڭ دوسىنىڭ باسىنان وتكەن جاعداي ەكەن. سول جەلى بويىنشا تۇسىردىك. ول جىگىت قازىر قىزىمەن جاپ-جاقسى ءومىر ءسۇرىپ جاتىر ەكەن. قىزى ۇلكەن بولىپ قالعان. كەيدە بىزگە سول ءاننىڭ تاريحى ءتيىپ كەتتى مە دەپ تە ويلاپ قالامىن. مەن دە قاتتى اۋىرىپ، بەلىم سىنىپ، ارباعا وتىرىپ قالعان كەزىم بولدى.

ءۇش-ءتورت جىلداي قاتتى قينالدىم. سول كەزدە دوستارىمنىڭ ءبارىن جوعالتىپ الدىم، ىشىمدىككە جاقىن ادامدار اينالاما جينالا باستادى، ءىشىپ كەتتىم. ونەر جايىنا قالدى. سونداي جاعداي باستان ءوتتى. مۇرات تا بەلگىسىز دەرتپەن كۇرەستى. ەكى جىلداي اۋىرىپ قالدى. ءاننىڭ تاعدىرىن ءوزىمىز سەزىنىپ كوردىك. ءبىزدىڭ دۇرىلدەگەن كەزىمىز قايدا قالدى دەپ قاتتى ويلاندىق. سول كەزدەگى دوستارىمىز قازىر جاعداي سۇراسىپ قانا قويامىز. بۇرىنعىداي ارالاسپايمىز، - دەدى نۇرلان ءامىروۆ.