ءى ءى م ەسىرتكى قىلمىسىنا قارسى ءىس-قيمىل كوميتەتىنىڭ ەكس-باسشىسى سوتتالدى
استانا. KAZINFORM - بۇگىن، 19-قاراشادا استانا قالاسىنىڭ قىلمىستىق ىستەر جونىندەگى اۋدانارالىق سوتى ءى ءى م ەسىرتكى قىلمىسىنا قارسى ءىس-قيمىل كوميتەتىنىڭ بۇرىنعى باسشىسى دانيار مەيرحانعا قاتىستى ۇكىم شىعاردى.
سوتتىڭ باسپا ءسوز قىزمەتىنىڭ مالىمەتىنشە، ول ق ر قىلمىستىق كودەكسىنىڭ 123-بابىنىڭ 1-بولىگى («جىنىستىق سيپاتتاعى ارەكەتتەرگە ماجبۇرلەۋ») بويىنشا كىنالى دەپ تانىلدى.
سوت وعان 1500 ا ە ك، ياعني 6487500 تەڭگە كولەمىندە ايىپپۇل سالدى.
قىلمىستىق ءىس جابىق سوت وتىرىسىندا قارالدى.
ۇكىم ازىرگە زاڭدى كۇشىنە ەنگەن جوق.
ەسكە سالايىق، 2026-جىلعى ساۋىردە دانيار مەيرحان تەكسەرۋ اياقتالعانعا دەيىن قىزمەتىنەن شەتتەتىلگەن بولاتىن. وعان قىزمەتتىك وكىلەتتىگىن اسىرا پايدالاندى جانە ارىپتەس ايەلگە ءتيىسىپ، مازاسىن الدى دەگەن كۇدىك كەلتىرىلگەن. سونداي-اق وعان باعىنىشتى 20 قىزمەتكەر ۇجىمدىق ارىز تۇسىرگەن.
كەيىن، 2026-جىلعى مامىردا ءى ءى م دانيار مەيرحانعا قاتىستى ستالكينگ فاكتىسى بويىنشا قىلمىستىق ءىستىڭ توقتاتىلعانىن حابارلادى.