ءى ءى م مەن وقۋ اعارتۋ مينيسترلىگى ل گ ب ت ناسيحاتىنا قارسى پەتيتسيانى قولداپ وتىر
استانا. KAZINFORM - مادەنيەت جانە اقپارات مينيسترلىگى ل گ ب ت ناسيحاتىنا قارسى پەتيتسيا بويىنشا قوعامدىق تالقىلاۋ ۇيىمداستىردى. كەزدەسۋگە ب ا ق وكىلدەرى مەن قوعام بەلسەندىلەرى قاتىستى.
وقۋ-اعارتۋ مينيسترلىگىنىڭ اتىنان كەلگەن بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا ل گ ب ت ناسيحاتىنا قارسى زاڭ جوباسىن قولدايتىنىن ايتتى. كوميتەتتىڭ UNICEF-پەن بىرلەسىپ جۇرگىزگەن ساۋالناماسىنا قاتىسقان بالالاردىڭ %11 ى جەكە تانىمايتىن ادامدارعا ءوز سۋرەتتەرىن جىبەرگەنىن مويىنداعان. 19 بالاعا سۋرەتىن سۇراپ، اقشا ۇسىنعان. ال 15 بالانى ەكراننىڭ ار جاعىنداعى «دوسى» كەزدەسۋگە شاقىرعان. 83 بالا جىنىستىق سيپاتتاعى حابارلاما العانىن ءمالىم ەتكەن كورىنەدى.
ىشكى ىستەر مينيسترلىگىنىڭ اتىنان ءسوز العان ازاماتتىق پوليتسيا كوميتەتى ءتوراعاسىنىڭ ورىنباسارى رەنات زۇلحايىروۆ تا ل گ ب ت-عا قارسى زاڭ قابىلداۋ ۇسىنىسىن قولدايتىنىن ايتتى. بالالارعا جىنىستىق كۇش كورسەتۋ فاكتىلەرىندە كامەلەتكە تولماعانداردىڭ ۇلەسى بارشىلىق ەكەنىن ناقتى مىسالدارمەن بايانداعان ءى ءى م وكىلى مۇنداي باسسىزدىقتاردىڭ ارتىندا ل گ ب ت ناسيحاتى جاتۋى دا مۇمكىن ەكەنىن ايتتى.
اۆتور
ەسىمجان ناقتىباي
