ءتىلىمدى ءان ارقىلى جەتىلدىردىم - توقتار اۋباكىروۆ

 قازاقتىڭ تۇڭعىش عارىشكەرى توقتار اۋباكىروۆ جۋرناليستەرمەن كەزدەسۋىندە عارىش ساپارىنان كەلگەن سوڭ قازاق تىلىندە جاتىق سويلەۋدى قالاي تەز مەڭگەرىپ العانى تۋرالى ايتىپ بەردى، دەپ حابارلايدى قازاقپارات «Egemen.kz»-كە سىلتەمە جاساپ. 

Әубакіров
Фото: Суретті түсірген Ерлан Омар

«قازاقستاندا العاش رەت وتكەن قازاق قۇرىلتايىندا ساحناعا ءبىراز قازاقتار شىعىپ ءسوز سويلەدى. مەن ول جيىنعا ولجاس ومار ۇلىمەن بىرگە باردىم. ەكەۋىمىزدى دە ساحناعا شىعارىپ، ءسوز بەردى. ءوز كەزەگىندە ءسوز العان ولجاس ومار ۇلىنا كوپشىلىك «نەگە قازاقشا سويلەمەيسىڭ؟» دەدى. سوندا ول كىسى: «كەلەسى جولى انا تىلىمدە سويلەيمىن، ۋادە بەرەمىن»، دەپ ماعان بۇرىلا قارادى. مەن دە سول كەزدە قازاقتاردىڭ الدىندا قازاقشا سويلەۋگە ۋادە بەردىم»، دەدى ت. اۋباكىروۆ.

باتىر سول كەزدەن باستاپ قازاق ءتىلىن ءان ارقىلى ۇيرەنگەنىن ايتتى.

«ءاندى كوپ تىڭدادىم، تۇسىنبەگەن سوزدەرىمدى جازىپ الىپ، ماعىناسىن ىزدەدىم. وسى ءتاسىل كوپ كومەكتەستى. سودان كەيىن قىزىلوردا حالقىنا العىس ايتامىن. سول وڭىردەن دەپۋتات بولىپ سايلانعاندا، حالىقتىڭ ورتاسىندا ءجۇرۋىم قازاقشامدى جەتىلدىرۋىمە ۇلكەن ىقپالىن تيگىزدى. سولاي نامىسقا تىرىسىپ، ءۇش ايدىڭ ىشىندە ءتىلدى تەز ۇيرەندىم. حالىقتىڭ اراسىندا ءجۇرىپ قازاق ءتىلىنىڭ كەڭدىگىن، تەرەڭدىگىن ءتۇسىندىم»، دەدى ول.

ەسكە سالايىق، جاقىندا عارىشكەر «قازاق گازەتتەرى» ج ش س ۇجىمىمەن كەزدەستى. جيىنعا مەملەكەت جانە قوعام قايراتكەرى ورالباي ابدىكارىموۆ، بەلگىلى حيرۋرگ، پروفەسسور سەرىك توقپانوۆ، «ەر توقتار» كىتابىنىڭ اۆتورى، بەلگىلى جۋرناليست تالعات ءسۇيىنباي قاتىستى.

مارجان تىلەۋبەك

سوڭعى جاڭالىقتار