ءتورت مىڭعا جۋىق موپەد جانە ساموكات جۇرگىزۋشىسى جاۋاپقا تارتىلدى
استانا. قازاقپارات - ولاردىڭ قاتىسۋىمەن 100 دەن اسا جول-كولىك وقيعاسى بولعان. ەلوردادا جول ەرەجەسىن بۇزعان 4 مىڭعا جۋىق موپەد جانە ساموكات جۇرگىزۋشىلەرى انىقتالدى، دەپ حابارلادى Halyq Uni ءتىلشىسى.
استانا قالاسى پ د مالىمەتىنە سايكەس، جىل باسىنان بەرى پوليتسەيلەر 2900 گە جۋىق موپەد جۇرگىزۋشىسى مەن مىڭنان استام ساموكات جۇرگىزۋشىسىن اكىمشىلىك جاۋاپكەرشىلىككە تارتقان. مىڭنان استام موپەد پەن 150 دەن استام ساموكات كوممۋنالدىق تۇراققا قويىلدى.
موپەد جۇرگىزۋشىلەرىنىڭ قاتىسۋىمەن 99 جول-كولىك وقيعاسى، ەلەكترلى ساموكات جۇرگىزۋشىلەرىنىڭ قاتىسۋىمەن 9 ج ك و تىركەلدى.
16 جاستاعى جاس ءوسپىرىم مومىش ۇلى داڭعىلىنىڭ قيىلىسىندا مايلين كوشەسىمەن موپەدپەن كەلە جاتىپ، باعدارشامنىڭ تىيىم سالىنعان بەلگىسىنە ءوتىپ، Hyundai Accent اۆتوكولىگىمەن سوقتىعىسۋعا جول بەرگەن. ج ك و سالدارىنان كامەلەتكە تولماعان جۇرگىزۋشى مەن موپەد جولاۋشىسى اۋرۋحاناعا جەتكىزىلدى، - دەلىنگەن حابارلامادا.
