ءتورت جىلدا 36 ساياسي مەملەكەتتىك قىزمەتشى وتستاۆكاعا بەردى

استانا. قازاقپارات - 4 جىلدا ءوزىنىڭ قاراماعىنداعى قىزمەتكەرىنىڭ سوتتالۋى بويىنشا 36 ساياسي مەملەكەتتىك قىزمەتشى وتستاۆكاعا بەردى. بۇل تۋرالى مەملەكەتتىك قىزمەت ىستەرى اگەنتتىگى ءتوراعاسىنىڭ ورىنباسارى سالاۋات مۇكسىموۆ ءمالىم ەتتى.

بۇگىن سەناتتا بولعان باسپا ءسوز ءماسليحاتىندا تىلشىلەر ءوزىنىڭ قاراماعىنداعى قىزمەتكەرىنىڭ سوتتالۋى بويىنشا وتستاۆكاعا كەتكەن ءبىرىنشى باسشىلار تۋرالى سۇراق قويدى. بۇل رەتتە، «لاۋازىمىنان كەتكەن مينيسترلەر مەن اكىمدەر» جايىندا سۇرالدى.

ءوز كەزەگىندە س. مۇكسىموۆ وسى قۇقىقتىق ينستيتۋت 2019 -جىلعى جەلتوقسان ايىنان باستاپ قولدانىسقا ەنگىزىلگەنىن ەسكە سالدى.

- سول مەرزىمنەن باستاپ 36 ساياسي مەملەكەتتىك قىزمەتشى وتستاۆكاعا بەردى. ونىڭ 16 سى قابىلداندى، ياعني قىزمەتىنەن بوساتىلدى. قالعاندارىنا تارتىپتىك جازا تۇرىندە شارالار قولدانىلدى. ال وسىنداي وتستاۆكادان كەيىن ازاماتتاردىڭ قايتا ورالۋىنا مەرزىمدىك شەكتەۋلەر بار. بىردەن مەملەكەتتىك قىزمەتكە كىرە المايدى. بۇل تۇرعىدا ءبىر جىل ىشىندە قايتادان مەملەكەتتىك قىزمەتكە ورالمايدى، - دەدى اگەنتتىك ءتوراعاسىنىڭ ورىنباسارى.

بۇدان بۇرىن حابارلانعانداي، بۇگىن سەناتتىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭى ماقۇلداندى.

مەملەكەتتىك قىزمەتشىلەر جاساندى ينتەللەكتىنى ارنايى وقيدى.

اۆتور

رۋسلان عابباسوۆ