ءتاتتى ۇيقىنىڭ قاراپايىم قۇپياسى: دارىگەر كۇننىڭ باتۋىن تاماشالاۋعا كەڭەس بەردى
استانا. قازاقپارات - دارىگەر سوفيا رودريگەس مورودەر ۇيقىنى رەتتەۋدىڭ جاعىمدى ءتاسىلىن ۇسىندى. ول بۇل تۋرالى Hola باسىلىمىنا بەرگەن سۇحباتىندا ايتتى.
"ۇيقىعا كەتۋ - وتە نازىك بيولوگيالىق ۇدەرىس. ول ءۇشىن اعزاعا ەكى ايقىن بەلگى قاجەت: دەنە تەمپەراتۋراسىنىڭ بىرتىندەپ تومەندەۋى جانە جارىقتىڭ بىرتىندەپ باسەڭدەۋى"، - دەپ ءتۇسىندىردى مورودەر.
دارىگەر جارىقتىڭ اسەرىنە كەڭىرەك توقتالدى.
دارىگەردىڭ ايتۋىنشا، اعزادا مەلاتونين ءبولىنۋى ءۇشىن تابيعي جارىق باسەڭدەۋى كەرەك. ال كەشكى ۋاقىتتا تەلەديدار كورۋ نەمەسە سمارتفون پايدالانۋ بۇل ۇدەرىسكە تىكەلەي كەدەرگى كەلتىرەدى.
مەلاتونيننىڭ بولىنۋىنە كومەكتەسۋ ءۇشىن مورودەر تەرەزەدەن، بالكوننان نەمەسە تەرراسادان كۇننىڭ باتۋىن تاماشالاۋدى ادەتكە اينالدىرۋعا كەڭەس بەردى. سونداي-اق، ۇيقىنى جاقسارتۋ ءۇشىن جاتىن بولمەنىڭ جارىعىن باسەڭدەتۋدى ۇسىندى.
