ءۇستىرت مەملەكەتتىك تابيعي قورىعىندا ورتالىق ازيا بارىسى فوتوتۇزاققا ءتۇستى
استانا. KAZINFORM — ءۇستىرت مەملەكەتتىك تابيعي قورىعىنىڭ قىزمەتكەرلەرى ورتالىق ازيا بارىسىن زەرتتەۋ جانە قورعاۋ جونىندەگى حالىقارالىق جوبا اياسىندا ورناتىلعان فوتوتۇزاقتارداعى مالىمەتتەردى تەكسەرىپ شىقتى.

بۇل جوبا National Geographic گرانتتارى مەن Segré قورىنىڭ قولداۋىمەن، سونداي- اق Conservation X Labs, BRCC جانە ا س ب ك ۇيىمدارىنىڭ قاتىسۋىمەن جۇزەگە اسىرىلادى.
قۋانارلىق جاڭالىق، 2024 -جىلدىڭ 29 - قازانى مەن 21 - جەلتوقسانى ارالىعىندا فوتوتۇزاقتارعا بارىس ءتورت رەت ءتۇسىپ، قورىق اۋماعىنا قايتا ورالعانى انىقتالدى.
بۇل مالىمەتتەر ءۇستىرت قورىعىنىڭ وسى ەرەكشە جانە جويىلىپ بارا جاتقان ءتۇردىڭ تابيعي ورتاسى رەتىندە ماڭىزدى ءرول اتقاراتىنىن تاعى دا دالەلدەيدى.
- ورتالىق ازيا بارىسىنىڭ قايتا ورالۋى - بۇل ءۇستىرت ەكوجۇيەسىنىڭ قالپىنا كەلۋىنىڭ سيمۆولى ءارى ءبىز جۇرگىزگەن بىرلەسكەن كۇش- جىگەردىڭ ناتيجەسى. بۇل جەتىستىك ءبىزدى سيرەك اڭدى زەرتتەۋ جانە قورعاۋ جۇمىستارىن جالعاستىرۋعا ىنتالاندىرادى، - دەيدى قورىق قىزمەتكەرلەرى.
ايتا كەتەيىك، بۇعان دەيىن الاكولدىك قورىقشىلار مۇز ۇستىندە جۇرە الماي قالعان ەلىكتى قۇتقارعان.