ءسابيىن ەمىزىپ وتىرىپ ۇيىقتاپ كەتىپ، ابايسىزدا ءولتىرىپ العان اناعا سوت ۇكىمى شىقتى
استانا.قازاقپارات - اقمولا وبلىسىندا نارەستەسىن ەمىزىپ وتىرىپ ۇيىقتاپ كەتىپ، ابايسىزدا ءسابيىن ءولتىرىپ العان اناعا سوت ۇكىمى شىقتى.
ءىس ماتەريالدارىنا سايكەس، ايەل تۇندە نارەستەسىن ەمىزىپ وتىرىپ قالعىپ كەتكەن. ءبىراز ۋاقىتتان كەيىن ويانعان كەزدە بالانىڭ قيمىلسىز جاتقانىن بايقاعان. شاقىرتۋ بويىنشا شۇعىل جەتكەن جەدەل جاردەم قىزمەتكەرلەرى ءسابيدىڭ تۇنشىعىپ كوز جۇمعانىن انىقتادى. دارىگەرلەر ءسابيدىڭ اۋا جەتپەگەننەن كوز جۇمعانىن انىقتادى. سونىمەن قاتار ايەلدىڭ كەشكىسىن قوناقتا ىشىمدىك ىشكەنى انىقتالعان. سوت وتىرىسىندا ايىپتالۋشى ءوز كىناسىن تولىق مويىندادى.
ءوز كەزەگىندە پروكۋرور سوتتالۋشىنى تۇرمەگە قاماۋدى ەمەس، باس بوستاندىعىن شەكتەۋ جازاسىن تاعايىنداۋدى سۇرادى. جازا تاعايىنداۋ بارىسىندا سوت ايەل ادامنىڭ شىن جۇرەكتەن وكىنگەنىن جازانى جەڭىلدەتەتىن ءمان-جاي دەپ، ال قىلمىستى الكوگولدىك ماساڭ كۇيدە جاساعانىن جازانى اۋىرلاتاتىن ءمان-جاي دەپ ەسكەردى - دەلىنگەن سوت شەشىمىندە. ناتيجەسىندە، سوت ۇكىمىمەن ايەلگە 1 جىل 6 ايعا باس بوستاندىعىن شەكتەۋ جازاسى تاعايىندالىپ، پروباتسيالىق باقىلاۋ بەلگىلەندى.
