قىتايدىڭ مەگاپوليسىندەگى COVID-19 تارالۋىن وليمپياداعا دەيىن وقشاۋلاۋ جوسپارلانىپ وتىر

بۇل تۋرالى قالالىق ىندەتتىڭ الدىن الۋ جانە وعان قارسى كۇرەس جونىندەگى شتابتىڭ حابارلاماسىندا ايتىلعان، دەپ حابارلايدى قازاقپارات ءتىلشىسى.

«شيان قالاسىنداعى ىندەتتىڭ الدىن- الۋ شارالارى ءالى دە كۇشەيتىلگەن كۇيىندە قالا بەرەدى. 27 -جەلتوقساننان باستاپ كوروناۆيرۋستى تەكسەرۋدىڭ جاڭا كەزەڭى باستالادى جانە قالادا ەپيدەمياعا قارسى شارالار كۇشەيتىلەدى»، - دەلىنگەن شتابتىڭ حابارلاماسىندا.

جەرگىلىكتى بيلىك شياننىڭ بارلىق تۇرعىندارىنىڭ ۇيدە بولۋىن تالاپ ەتەدى. تەك COVID-19 سىناقتارىنان وتۋگە بايلانىستى عانا ۇيدەن شىعۋعا بولادى. 21-جەلتوقساننان باستاپ شيان جالپى قالالىق كوروناۆيرۋسقا تەستىلەۋدىڭ ءۇش كەزەڭىن وتكىزدى. 26-جەلتوقسانداعى جاعداي بويىنشا قىتايدا كوروناۆيرۋس ينفەكسياسىنىڭ 200 جاڭا جاعدايى تىركەلدى.

قىتاي ايماقتارىنىڭ ىشىندە ەڭ كۇردەلى ەپيدەميالىق جاعداي سولتۇستىك- باتىستاعى شەنسي پروۆينتسياسىندا بايقالادى. وندا سوڭعى 24 ساعاتتا 152 جاعداي انىقتالدى، ونىڭ ىشىندە 150 شيان قالاسىندا تىركەلگەن. 9-جەلتوقساننان بەرى شيان قالاسىندا كوروناۆيرۋس جۇقتىرعاندار سانى 600

دەن استى.

اۆتورى رۋسلان سۇلەيمەنوۆ