ەۋرووداقتا COVID-19 ۆاكتسينا وندىرۋشىسىنەن ءتورتىنشى ءوتىنىم كەلىپ ءتۇستى

بريۋسسەل. قازاقپارات - سەيسەنبى كۇنى امەريكالىق «JohnsonJohnson» كومپانياسىنا تيەسىلى بەلگيالىق «Janssen Pharmaceutica» كومپانياسى كوروناۆيرۋسقا قارسى ۆاكسيناسىن ەۋروپانىڭ دارىلىك زاتتار جونىندەگى اگەنتتىگىنە تىركەۋگە ءوتىنىم بەردى، دەپ حابارلايدى قازاقپارات ءتىلشىسى.

ەۋروپالىق اگەنتتىكتىڭ وكىلدەرى «JohnsonJohnson» كومپانياسىنىڭ ۆاكسيناسى تۋرالى ىقتيمال شەشىم وسى جىلدىڭ ناۋرىز ايىنىڭ ورتاسىنا دەيىن جاريالاناتىنىن اتاپ ءوتتى.

ءۇشىنشى سىناق كەزەڭىنەن كەيىن اتالعان ۆاكسينانىڭ تيىمدىلىگى %66 قۇرادى، بۇل - Pfizer/BioNTech جانە Moderna كومپانيالارىنىڭ %90 قورعاۋدى قامتاماسىز ەتەتىن پرەپاراتتارىنا قاراعاندا تومەن كورسەتكىش.

الايدا ماماندار «JohnsonJohnson» ۆاكتسيناسىن باسقا رۇقسات ەتىلگەن ۆاكسينالارعا قاراعاندا ادام اعزاسىنا ءبىر دوزامەن ەنگىزۋ جەتكىلىكتى بولادى دەيدى.

ال باسقا ۆاكسينالار ەكى دوزانى قاجەت ەتەدى. بەلگيادا وسى ۆاكسينانىڭ 5 ميلليون دوزاسى ساقتالعان، ول انتۆەرپەن مۋنيتسيپاليتەتىندەگى جەرگىلىكتى زاۋىتتا وندىرىلەدى.