اۋرۋحاناعا جاتۋدان باس تارتقان پاۆلودار تۇرعىنى COVID-19-دان كوز جۇمدى
بۇل تۋرالى پاۆلودار وبلىسى دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتتى.
اقپارات بويىنشا، 5-ماۋسىمدا ناۋقاس السىزدىك سەزىپ، دەنە قىزۋى كوتەرىلىپ، قۇرعاق جوتەل، باس اۋرۋى، جۇرەك اينۋى مەن قۇسۋ بەلگىلەرىمەن ەمحاناعا جۇگىنگەن.
ايەل اۋرۋحاناعا جاتۋدان باس تارتقان. سول كۇنى COVID-19-عا تەست تاپسىرىپ، 6-ماۋسىمدا ناتيجەسى تەرىس بولعان.
8-ماۋسىمدا جەدەل جاردەم بريگاداسى السىزدىك سەزىپ، دەنە قىزۋى كوتەرىلگەن، جوتەل مەن ەنتىگۋ پايدا بولعان ايەلدى پروۆيزورلىق ستاتسيونارعا اپاردى.
«زەرتحانالىق تالداۋ ءۇشىن قايتادان بيوماتەريال الىندى، 11-ماۋسىمدا كوروناۆيرۋس وڭ ناتيجە كورسەتتى. بارلىق كورسەتىلگەن كومەككە قاراماستان ايەلدىڭ جاعدايى پروگرەسسيۆتى ناشارلاي بەردى. 2020 -جىلدىڭ 11-ماۋسىمىندا 15 ساعات 58 مينۋتتا پاتسيەنت قايتىس بولدى»، - دەلىنگەن حابارلامادا.
ءولىم- ءجىتىمدى زەرتتەۋ جونىندەگى كوميسسيانىڭ شەشىمىنە سايكەس، جاعداي كوروناۆيرۋس ينفەكسياسىنان بولعانى راستالىپ، تىركەلدى.
ەسكە سالايىق، سوڭعى مالىمەتتەر بويىنشا، ەلدە COVID-19 جۇقتىرعان بارلىعى 13872 ناۋقاس انىقتالدى، ساۋىعىپ كەتكەن پاتسيەنتتەردىڭ سانى 8593 كە دەيىن ارتتى. ءولىم جاعدايى - 68.
