ەلىمىزدە Covid-19 جۇقتىرعان 6 سىرقاتتىڭ دەنساۋلىق جاعداي ءالى اۋىر
نۇر- سۇلتان. قازاقپارات - ەلىمىزدە كوروناۆيرۋس جۇقتىرعانداردىڭ %85 دەنساۋلىعى قالىپتى جاعدايدا، %14 ورتاشا قالىپتاعى جاعدايدا جانە 25 سىرقات اۋىر حالدە، ال 6 سىرقات وتە اۋىر جاعدايدا.
ونىڭ ىشىندە 7 سىرقات جاساندى تىنىس الۋ اپپاراتىنا قوسىلعان.
بۇل تۋرالى ورتالىق كوممۋنيكاتسيالار قىزمەتىندە ەلدەگى كوروناۆيرۋستىق ينفەكتسياعا قاتىستى اعىمداعى جاعداي جانە قازاقستانداعى ۆاكتسينالاردىڭ ساپاسى مەن ساتىپ الۋ ماسەلەسىنە قاتىستى وتكەن بريفينگتە ايتىلدى، دەپ حابارلايدى قازاقپارات ءتىلشىسى.
«قازىرگى ۋاقىتتا كوروناۆيرۋسپەن اۋىراتىن بارلىعى 4298 ناۋقاس تىركەلگەن. ونىڭ جارتىسى الماتى جانە نۇر- سۇلتان قالالارىندا. 1279 ناۋقاس ەمدەلىپ، جازىلىپ، ۇيلەرىنە شىعارىلدى. قازىرگى ۋاقىتتا ستاتسيوناردا 2897 سىرقات ەم الۋدا. ولادىڭ %85 قالىپتى جاعدايدا، %14 ورتاشا قالىپتاعى جاعدايدا جانە 25 سىرقات اۋىر، ال 6 سىرقات وتە اۋىر جاعدايدا. ونىڭ ىشىندە 7 سىرقات جاساندى تىنىس الۋ اپپاراتىنا قوسىلعان» ، - دەيدى ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى تيمۋر سۇلتانعازييەۆ.
ونىڭ ايتۋىنشا، سوڭعى ەكى اپتادا كوروناۆيرۋسپەن اۋىرعاندار سانىنىڭ ءوسىمى %7 اسپاعان.
«ال سوڭعى ءۇش كۇندە كوروناۆيرۋسپەن اۋىرعاندار سانى %3 اسقان جوق. اۋىرعان 4298 ادامنىڭ %57 ىندا اۋرۋ سكرينينگتىك زەرتتەۋ جۇمىستارىن بەلسەندى تۇردە جۇرگىزگەن كەزدە، %37 ىندا مەديتسينالىق كومەككە جۇگىنگەن كەزدە انىقتالعان. ال شەتەلدەن جۇقتىرىپ كەلگەندەردىڭ ۇلەسى %7,2. سونداي- اق، بىزدەگى مەملەكەتتىك جانە جەكەمەنشىك زەرتحانالار تەستتەن وتكىزۋدە. تاۋلىگىنە 19000 تەست جاسالسا، ايدىڭ سوڭىنا دەيىن كۇنىنە 25000 تەست جۇرگىزىلەدى»، - دەيدى ول.
