13:14, 09 - مامىر 2021 | GMT +6
قىتايدا COVID-19 عا قارسى 300 ميلليون دوزا ۆاكسينا ەگىلدى
بەيجىڭ. قازاقپارات - قىتايدا جاڭا كوروناۆيرۋس ينفەكسياسىنا قارسى 300 ميلليون دوزا ۆاكسينا ەگىلدى.
بۇل تۋرالى سەنبى كۇنى ق ح ر دەنساۋلىق ساقتاۋ جونىندەگى مەملەكەتتىك كوميتەتى ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.
بەيىندى ۆەدومستۆونىڭ دەرەگىنشە، 2021-جىلدىڭ 7- مامىرىنداعى جاعداي بويىنشا 31 پروۆينتسيا (اۆتونوميالىق اۋداندار، ورتالىققا باعىناتىن قالالار) مەن شىڭجاڭ وندىرىستىك-قۇرىلىس كورپۋسىندا بارلىعى كوروناۆيرۋسقا قارسى ۆاكسينانىڭ 308226000 دوزاسى ەگىلدى.
وتكەن تاۋلىكتە قۇرلىقتىق قىتايدا COVID-19 جۇقتىرۋدىڭ 7 جاڭا شەتەلدەن كەلگەن وقيعاسى انىقتالدى، قايتىس بولعاندار جوق.
سوڭعى رەسمي دەرەكتەرگە سايكەس، قۇرلىقتىق قىتايدا COVID-19 جۇقتىرعان %94,56 ناۋقاس جازىلىپ شىققان. 2019-جىلدىڭ جەلتوقسانىنان باستاپ كوروناۆيرۋس جۇقتىرعاندار سانى 90 مىڭنان استى.
ءولىم كورسەتكىشى - %5,1 (كوروناۆيرۋستان 4636 ادام قايتىس بولدى).