ەلىمىزدە COVID-19 بويىنشا جاڭا ستاتيستيكا 1-تامىزدان باستاپ جۇرگىزىلەدى
بۇل تۋرالى دەنساۋلىق ساقتاۋ ءمينيسترى الەكسەي تسوي ءمالىم ەتتى، دەپ حابارلايدى قازاقپارات ءتىلشىسى.
«جيناقتالعان كلينيكالىق تاجىريبەلەردى زەرتتەي وتىرىپ، ءبىز وسى اۋرۋلاردىڭ (ك ۆ ي مەن پنيەۆمونيا) ۇقساستىعى بارىن اتاپ وتەمىز. سول سەبەپتى ولاردى ەمدەۋدىڭ ءبىرىڭعاي تاكتيكاسىن قولدانۋ كەرەك دەپ ەسەپتەيمىز. 11-شىلدەدە دەنساۋلىق ساقتاۋ مينيسترلىگىنە دۇنيەجۇزىلىك دەنساۋلىق ساقتاۋ ۇيىمىنىڭ COVID-19 جاعدايلارىن جاڭا فورماتتا كلاسسيفيكاتسيالاۋ جانە تىركەۋ بويىنشا رەسمي حابارلاماسى كەلگەنىن اتاپ وتكىم كەلەدى»، - دەدى الەكسەي سوي و ك ق- دا وتكەن باسپا ءسوز ءماسليحاتىندا.
ءمينيستردىڭ ايتۋىنشا، بۇگىنگى تاڭدا قازاقستاندا COVID-19 جاعدايلارى زەرتحانالىق تۇرعىدا دالەلدەنگەن مالىمەتتەرمەن عانا جۇرگىزىلەتىنىن جەتكىزدى.
«ايتسە دە، ماۋسىم ايىنىڭ ءۇشىنشى ونكۇندىگىنەن باستاپ قوزدىرعىشى ايقىندالماعان، ياعني زەرتحانالىق تۇرعىدا راستالماعان پنيەۆمونيا ۆيرۋسىنىڭ ءوسىمى بايقالدى. COVID-19 ىندەتىن جۇقتىرۋ مەن ءولىم- ءجىتىم ستاتيستيكاسى مالىمەتتەردىڭ ەكى كوزىنەن قۇرالادى: COVID-19 جاعدايىنىڭ زەرتحانالىق تۇرعىدا راستالعان مالىمەتتەرى مەن ايقىندالماعان ۆيرۋستى پنيەۆمونيا بويىنشا مالىمەتتەر. حالىقارالىق اۋرۋلار كۆاليفيكاتسياسىنىڭ جاڭا كودىن قولدانا وتىرىپ، COVID-19 كودتاۋىنا تولىق ءوتۋ 1 - تامىزدا باستالادى» ، - دەدى ول.
