ءۇندىستاننان ورتالىق ازياعا جول اشادى

استانا. KAZINFORM - ءۇندىستان مەن يران چاباحار پورتىن بىرلەسىپ دامىتۋ تۋرالى 10 جىلدىق كەلىسىمگە قول قويدى. ءۇندىستان ورتالىق ازيا ەلدەرىمەن ساۋدا قاتىناستارىن دامىتۋعا نيەتتى، دەپ جازادى The Times of India.

كەلىسىم ءۇندىستانعا يراننىڭ پاكىستانمەن وڭتۇستىك-شىعىس شەكاراسىنا جاقىن ورنالاسقان چاباحار پورتىن 10 جىل پايدالانۋعا رۇقسات بەرەدى. چاباحار پورتىنىڭ ورنالاسقان جەرى ستراتەگيالىق تۇرعىدا ءۇندىستاننىڭ ورتالىق ازياعا تىكەلەي شىعۋىن قامتاماسىز ەتەدى.

ءۇندىستان ورتالىق ازيا ايماعى ەلدەرىمەن ساۋدا قارىم-قاتىناستارىن دامىتۋ جولىندا ماڭىزدى قادام جاسادى. ساراپشىلاردىڭ پىكىرىنشە، بۇل پاكت ءۇندىستاننىڭ گەوساياسي سالاسىن كەڭەيتۋ نيەتىن كورسەتەدى.

كەلىسىمگە سايكەس، India Ports Global Limited پورت ينفراقۇرىلىمىن دامىتۋعا 370 ميلليون دوللار ينۆەستيتسيالاۋعا مىندەتتەلدى.