ءۇندىستانداعى ويىن-ساۋىق ساياباعىنداعى ورتتەن قازا تاپقاندار سانى 28 گە جەتتى
نيۋ- دەلي. KAZINFORM - ءۇندىستاننىڭ باتىسىنداعى گۋدجارات شتاتىندا سەنبى كۇنى بولعان ورتتەن قازا تاپقاندار سانى 24 تەن 28 گە جەتتى.
بۇل تۋرالى جەكسەنبىدە جەرگىلىكتى ورتكە قارسى قىزمەت قىزمەتكەرى حابارلادى، دەپ جازادى شينحۋا.
رادجكوت قالاسىنداعى TRP Game Zone دا ءورت شىققان. قازا تاپقاندار اراسىندا كەم دەگەندە توعىز بالا بار. ءورتتىڭ شىعۋ سەبەبى ازىرگە رەسمي تۇردە جاريالانعان جوق، ءبىراق ءورت ويىن-ساۋىق ساياباعىنىڭ ىشىندەگى دانەكەرلەۋ جۇمىستارى نەمەسە قىسقا تۇيىقتالۋ سالدارىنان بولۋى مۇمكىن دەگەن بولجام بار.
ساياباقتاعى ءتۇرلى ويىن اۆتوماتتارىنا جانارماي قۇيۋ ءۇشىن ساقتالعان ديزەلدىك وتىننىڭ ۇلكەن قورى ءورتتى ودان ارى كۇشەيتىپ، قايعىلى جاعدايعا اكەلدى. وقيعادان كەيىن ساياباق يەلەرى ۇستالعان.
بۇقارالىق اقپارات قۇرالدارىنىڭ حابارلاۋىنشا، ويىن-ساۋىق ساياباعى ۋاقىتشا قۇرىلىس ماتەريالدارىنان تۇرعىزىلعان جانە تەز تۇتاناتىن ماتەريالداردى ساقتاۋ كەزىندەگى ءتيىستى قاۋىپسىزدىك شارالارى جاسالماعان. شتات ۇكىمەتى وقيعانى تەكسەرۋ ءۇشىن ارنايى توپ قۇردى.
