ءۇندىستان مەكتەبىندە تۇڭعىش روبوت مۇعالىم جۇمىس ىستەي باستادى

Робот ұстаз
Фото: vse42.ru

 استانا. KAZINFORM - ءۇندىستاننىڭ وڭتۇستىگىندەگى كەرالا شتاتىنىڭ مەكتەبىندە جاساندى ينتەللەكتكە (ج ي) نەگىزدەلگەن العاشقى روبوت مۇعالىم پايدا بولدى.

ونى جاساۋشىلاردىڭ ايتۋىنشا، روبوتقا Iris ەسىمى بەرىلدى. بۇل تۋرالى ت ا س س اقپارات اگەنتتىگى حابارلايدى.

روبوتقا جارقىن ساري كيگىزىلگەن ناعىز ۇستاز ايەلگە ءتان قاسيەتتەر بەرىلدى. روبوت سىنىپ ىشىندە وزىنە ورناتىلعان دوڭعالاقتاردىڭ كومەگىمەن قوزعالادى، ال وقۋشىلارمەن كەزدەسكەن كەزدە قولىن سوزىپ امانداسادى.

Iris ءوز جۇمىسىن تريۆاندرۋم جوعارى ورتا مەكتەبىندە باستادى. ول دىبىستىق كومەك ارقىلى ءتۇرلى تاقىرىپتار بويىنشا ءارتۇرلى دەڭگەيدەگى سۇراقتارعا جاۋاپ بەرىپ، ينتەراكتيۆتى وقىتۋدى جەڭىلدەتەدى.

«іris-ءتىڭ كومەگىمەن ءبىز شىن مانىندە جەكەلەندىرىلگەن وقۋ تاجىريبەسىن جاساۋ ءۇشىن جاساندى ينتەللەكت كۇشىن پايدالانۋ ارقىلى ءبىلىم بەرۋ جۇيەسىندە توڭكەرىس جاساعىمىز كەلەدى. روبوت ءاربىر وقۋشىنىڭ قاجەتتىلىگى مەن قالاۋىنا بەيىمدەلە وتىرىپ، مۇعالىمدەرگە تارتىمدى جانە ءتيىمدى ساباقتار وتكىزۋگە مۇمكىندىك بەرەدى»، - دەيدى ازىرلەۋشىلەر.

باقىلاۋشىلاردىڭ پىكىرىنشە، الداعى جىلدارى روبوت- مۇعالىمدەردى قولدانۋ اۋقىمىن باعالاۋ ءالى دە قيىن، ءبىراق Iris ءتى جۇمىسقا تارتۋ تاجىريبەسى ج ي كومەكشى ءرول اتقاراتىن ءبىلىم بەرۋدىڭ بولاشاعى تۋرالى تۇسىنىك بەرەدى.

اۆتور

زارينا تۋعانبايەۆا

سوڭعى جاڭالىقتار