ءماسىموۆتىڭ ساتىلىمعا شىعارىلعان ءزاۋلىم سارايىنىڭ قۇنى ارزاندادى
استانا. KAZINFORM — كارىم ءماسىموۆتىڭ ەلورداداعى ءزاۋلىم سارايى ءۇشىنشى مارتە اۋكسيونعا شىعارىلدى.
ۇلتتىق قاۋىپسىزدىك كوميتەتىنىڭ ءتوراعاسى بولعان كارىم ماسىموۆكە تيەسىلى ءۇيدىڭ باستاپقى باعاسى ءبىرىنشى رەت ساۋداعا شىعارىلعان كەزدە 1,8 ميلليارد تەڭگەگە باعالانعان ەدى. ال قازىر 1,6 ميلليارد تەڭگەگە دەيىن تومەندەتىلىپ وتىر. العاشقى جارناسى 117,9 ميلليون تەڭگەنى قۇرايدى. وتىنىمدەردى قابىلداۋ 13-مامىر كۇنى ساعات 9:00 گە دەيىن جۇرگىزىلەدى. سول كۇنى ساعات 11:00 دە ساۋدا-ساتتىق وتەدى.
ءزاۋلىم ساراي بۇعان دەيىن 25-اقپاندا، ودان كەيىن 12-ناۋرىزدا ساتىلىمعا شىعارىلعان ەدى. الايدا، ول كەزدە ءۇيدى ساتىپ الۋشى تابىلمادى.
ەسكە سالايىق، ۇ ق ك بۇرىنعى ءتوراعاسى كارىم ءماسىموۆ 2022 -جىلى 8-قاڭتاردا ۇستالدى.
ۇ ق ك تاراتقان مالىمەت بويىنشا، ءماسىموۆتىڭ پرەمەر-مينيستر لاۋازىمىندا بولۋى كەزەڭىندە بيزنەس-قۇرىلىمنىڭ بىرىنەن استانادا قۇنى 2,5 ميلليارد تەڭگە ەليتالىق تۇرعىن ءۇي مەن جەر تەلىمىن الۋ فاكتىسى بويىنشا تەرگەۋ جۇرگىزىلدى.
ءماسىموۆتىڭ ءىسى «اسا قۇپيا» بەلگىسىمەن ءوتتى. ول 18 جىلعا باس بوستاندىعىنان ايىرىلىپ، مۇلكى تاركىلەندى. ءومىر بويى مەملەكەتتىك قىزمەتتە جۇمىس ىستەۋ قۇقىعىنان قاعىلدى.
وتكەن جىلدىڭ شىلدەسىندە پرەزيدەنت قاسىم-جومارت توقايەۆ ق ر ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە راقىمشىلىق جاساۋدان باس تارتقانى بەلگىلى بولدى.
