ءماسىموۆ ءىسى: سوتتالۋشىدان تاركىلەنگەن كولىكتەر كىمگە بەرىلەدى؟
استانا. قازاقپارات - نۇرلان ءماسىموۆتىڭ ءىسى بويىنشا تاركىلەنگەن مۇلىك قاي مەملەكەتتىك ورگاندارعا بەرەتىنى بەلگىلى بولدى.
نۇرلان ءماسىموۆتىڭ ءىسى بويىنشا سوتتالعان مەردىگەر ەۆگەني ەۆكوۆيچتەن تاركىلەنگەن كولىكتەر باس پروكۋراتۋرا مەن سىبايلاس جەمقورلىققا قارسى قىزمەتتىڭ پاۆلودار وبلىسى بويىنشا باسقارماسىنا تاپسىرىلدى. ەكى كولىك تە مەملەكەتتىك مەكەمەلەرگە تەگىن بەرىلدى. بۇل تۋرالى پاۆلودار مەملەكەتتىك مۇلىك جانە جەكەشەلەندىرۋ دەپارتامەنتىنىڭ Tengrinews.kz ءتىلشىسىنىڭ رەسمي ساۋالىنا بەرگەن جاۋابىندا ايتىلدى.
«Kia Sorento ماركالى اۆتوكولىك ق ر باس پروكۋراتۋراسىنىڭ ماتەريالدىق-تەحنيكالىق قامتاماسىز ەتۋ دەپارتامەنتىنىڭ بالانسىنا، Toyota RAV4 اۆتوكولىگى سىبايلاس جەمقورلىققا قارسى ءىس-قيمىل قىزمەتىنىڭ پاۆلودار وبلىسى بويىنشا دەپارتامەنتىنىڭ پايدالانۋىنا بەرىلدى»، - دەدى اۋماقتىق دەپارتامەنت باسشىسى ەركىن سماعۇلوۆ.
بۇل كولىكتەردىڭ ساتىلعانى تۋرالى اقپارات بيىل كوكتەمدە مەملەكەتتىك اۋكسيون سايتىندا پايدا بولدى. رەسمي مالىمەت بويىنشا، قارا ءتۇستى 2021 Kia Sorento كروسسوۆەرى 18,5 ميلليون تەڭگەگە، ال 2021 -جىلى زاۋىت كونۆەيەرىنەن شىققان Toyota RAV4 كولىگى 16,7 ميلليون تەڭگەگە باعالاندى.
كروسسوۆەرلەر نۇرلان ءماسىموۆتىڭ ءىسى بويىنشا ءىرى كولەمدە مۇلىكتى ۇرلاعانى ءۇشىن سوتتالعان كاسىپكەر ەۆگەني ەۆكوۆيچكە تيەسىلى ەكەنى بەلگىلى بولدى. تەرگەۋ بارىسىندا كاسىپكەردىڭ پاۆلودارلىق پوليتسەيلەرگە ارنايى قۇرال-جابدىقتار، ونىڭ ىشىندە وق وتپەيتىن جيلەت، دۋلىعا جانە رەزەڭكە تاياقشالاردى جوعارى باعامەن جەتكىزگەنى انىقتالدى.
ەسكە سالايىق، 2022 -جىلعى قاڭتاردا نۇرلان ءماسىموۆ پاۆلودار وبلىسىنىڭ پوليتسيا باستىعى قىزمەتىنەن بوساتىلدى. ول دەپارتامەنتتى 2019 -جىلعى قاراشادان باستاپ باسقاردى.
2022 -جىلعى ساۋىردە نۇرلان ءماسىموۆتىڭ ىزدەۋدە ەكەنى بەلگىلى بولدى. كەيىنىرەك سىبايلاس جەمقورلىققا قارسى قىزمەت ونىڭ ورنالاسقان جەرى تۋرالى اقپارات ءۇشىن سىياقى جاريالادى. شىلدەدە ءماسىموۆ رەسەيمەن شەكارادا جالعان قۇجاتتارمەن ۇستالدى.
