ءماسليحات دەپۋتاتتارى اراسىندا قوس ازاماتتىق دەرەگى انىقتالدى - سەنات ءتوراعاسى
قازاقستاندا قوس ازاماتتىعى بار ءماسليحات دەپۋتاتتارى دا انىقتالدى. بۇل تۋرالى سەنات ءتوراعاسى ماۋلەن اشىمبايەۆ ايتتى، دەپ حابارلايدى قازاقپارات ءتىلشىسى.

«مينيسترلىك مالىمەتىنە قاراعاندا، 2022-جىلى قوس ازاماتتىقتىڭ 841 دەرەگى انىقتالدى. ال بيىل قاڭتار-قازان ارالىعىندا 525 قوس ازاماتتىعى بار ادام انىقتالدى. قوس ازاماتتىعى بارلاردىڭ اراسىندا جەرگىلىكتى وكىلدى ورگانداردىڭ دەپۋتاتتارى دا بولعان جاعدايلار بار»، - دەدى م. اشىمبايەۆ سەناتتىڭ جالپى وتىرىسىندا.
بۇل تۇرعىدا سەنات ءتوراعاسى ەلىمىزدە زاڭ تالاپتارىن بۇزاتىنداردى جىلدام انىقتاۋ كەرەك ەكەنىن ايتتى. ياعني ەلىمىزدىڭ كونستيتۋتسياسىندا قوس ازاماتتىققا تىيىم سالىعان.
بۇدان بۇرىن حابارلانعانداي، جاقىندا ىشكى ىستەر مينيسترلىگى قوس ازاماتتىعى بار ادامداردى قازاقستان اۋماعىنان شىعارۋعا قاتىستى تۇسىنىك بەردى.
«دەگەنمەن، قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزعانى ءۇشىن سوڭعى بەس جىلدا 3515 (2018-جىلى – 522، ونىڭ ىشىندە 425 ىنە ايىپپۇل سالىنىپ، 97 ءسى ەلدەن شىعارىلدى. 2019-جىلى – 449، ونىڭ ىشىندە 393 ىنە ايىپپۇل سالىنىپ، 56 سى ەلدەن شىعارىلدى. 2020-جىلى – 585، ونىڭ ىشىندە 543 ىنە ايىپپۇل سالىنىپ، 42 ءسى ەلدەن شىعارىلدى. 2021-جىلى – 1118، ونىڭ ىشىندە 978 ىنە ايىپپۇل سالىنىپ، 140 ەلدەن شىعارىلدى. 2022-جىلى – 841، ونىڭ ىشىندە 703 ىنە ايىپپۇل سالىنىپ، 138 ەلدەن تىس جەرگە شىعارىلدى) ادام اكىمشىلىك جاۋاپكەرشىلىككە تارتىلدى. ولاردىڭ كوبىسى - رەسەي ازاماتتارى. بۇل رەتتە قوس ازاماتتىق فاكتىلەرى انىقتالعان بارلىق ادام قازاقستان ازاماتتىعىنان ايىرىلادى»، - دەلىنگەن ۆەدومستۆو مالىمەتىندە.
2020-جىلى پاۆلودار وبلىسىنداعى ىشكى ىستەر ورگانىندا قىزمەت ەتكەن ماماندا قوس ازاماتتىق بولعانى حابارلانعان ەدى.