ءماجىلىس ورىس ءتىلى جونىندەگى حالىقارالىق ۇيىمعا قاتىستى قۇجاتتى قابىلدادى
استانا. KAZINFORM - بۇگىن ءماجىلىستىڭ جالپى وتىرىسىندا «ورىس ءتىلى جونىندەگى حالىقارالىق ۇيىمدى قۇرۋ تۋرالى شارتتى راتيفيكاتسيالاۋ تۋرالى» زاڭى قابىلداندى.
«2023 -جىلعى 13- قازاندا بىشكەكتە وتكەن تاۋەلسىز مەملەكەتتەر دوستاستىعى مەملەكەتتەرى باسشىلارىنىڭ سامميتىندە ورىس ءتىلى جونىندەگى حالىقارالىق ۇيىمدى قۇرۋ تۋرالى شارتقا قول قويىلدى. بۇل حالىقارالىق ۇيىمىنىڭ ماقساتى - ورىس ءتىلىن حالىقارالىق ۇكىمەتارالىق ۇيىمدار مەن قۇرىلىمداردىڭ رەسمي نەمەسە جۇمىس ءتىلى رەتىندە، سونداي- اق حالىقارالىق قاتىناس ءتىلى رەتىندە ىلگەرىلەتۋ. وزدەرىڭىز بىلەتىندەي، ب ۇ ۇ- دا 6 رەسمي ءتىل قولدانىلادى: اعىلشىن، فرانسۋز، قىتاي، ورىس، يسپان جانە اراب. قازىرگى كەزدە وسى تىلدەردى دامىتۋعا باعىتتالعان ارنايى حالىقارالىق ۇيىمدار بار. مىسالى، فرانسۋز تىلىندە سويلەيتىن 50 دەن استىم ەلدى بىرىكتىرەتىن فرانكوفونيا ۇيىمى، اراب تىلىندە سويلەيتىن ەلدەردى بىرىكتىرەتىن حالىقارالىق اراب ءتىلى كەڭەسى، سونداي- اق بريتان كەڭەسى، كونفۋتسي ينستيتۋتى، سەرۆانتەس ينستيتۋتى سياقتى ءىرى حالىقارالىق ينستيتۋتتار جۇمىس ىستەپ جاتىر» ، - دەدى ق ر عىلىم جانە جوعارى ءبىلىم ءمينيسترى ساياسات نۇربەك.
ونىڭ ايتۋىنشا، ورىس ءتىلى ب ۇ ۇ- نىڭ رەسمي ءتىلى مارتەبەسىنەن بولەك، ت م د، ەۋروپاداعى قاۋىپسىزدىك جانە ىنتىماقتاستىق ۇيىمى (و ب س ە)، ۇجىمدىق قاۋىپسىزدىك تۋرالى شارت ۇيىمى، شانحاي ىنتىماقتاستىق ۇيىمى (ش و س)، ەۋرازيالىق ەكونوميكالىق وداق (ە ا ە و) سياقتى ءبىرقاتار حالىقارالىق ۇيىمداردىڭ جۇمىس ءتىلى.
«قازىرگى كەزدە شارتتى بەلارۋس رەسپۋبليكاسى، قىرعىز رەسپۋبليكاسى، رەسەي فەدەراتسياسى، تاجىكستان رەسپۋبليكاسى، وزبەكستان رەسپۋبليكاسى راتيفيكاسيالادى. قازاقستان رەسپۋبليكاسىنىڭ حالىقارالىق شارتتارى تۋرالى» ق ر زاڭىنىڭ 11-بابىنىڭ 2) جانە 5) تارماقشالارىنا سايكەس، شارت راتيفيكاتسيالاۋعا جاتادى»، - دەدى مينيستر.
