ءماجىلىس قازاقى جىلقىنى ساقتاۋ جانە كوبەيتۋ تۋرالى زاڭدى قابىلدادى

жайлаудағы жылқылар лошади на пастбище кони на жайлау
فوتو: ماقسات شاعىربايەۆ/kazinform

استانا. KAZINFORM - بۇگىن ءماجىلىستىڭ جالپى وتىرىسىندا جىلقىلاردىڭ قازاقى تۇقىمىن ساقتاۋ جانە ءوسىمىن كوبەيتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوباسى قارالىپ، قابىلداندى.

«زاڭ جوباسى پارلامەنتتىڭ ءبىر توپ دەپۋتاتتارىنىڭ باستاماشىلىعىمەن ازىرلەنگەن. جوبانىڭ ماقساتى - مەملەكەتتىك قولداۋ كورسەتۋ ارقىلى وتاندىق سپورت باعىتىنداعى جىلقى تۇقىمىنقالپىنا كەلتىرۋ جانە اسىل تۇقىمدىق قاسيەتتەرىن جاقسارتۋ. قوستاناي تۇقىمى 70 جىلعا سوزىلعان عىلىمي زەرتتەۋدىڭ ناتيجەسىندە شىعارىلعان، مامانداندىرىلعان سپورتتىق باعىتتاعى جانە ۇلتتىق ات سپورتى تۇرلەرىن دامىتۋ ءۇشىن كەڭىنەن قولدانىلاتىن قازاقتىڭ شاباندوز تۇقىمى، حالىقتىڭ ۇلتتىق قازىناسى»، - دەدى ايداربەك قوجانازاروۆ زاڭ جوباسىنا ەنگىزىلەتىن وزگەرىستەر تۋرالى ايتا كەلە.

Айдарбек Ходжаназаров
فوتو: ۆيكتور فەديۋنين/kazinform

ونىڭ مالىمەتىنشە، 1969 -جىلى ەلىمىزدە 44 مىڭنان استام قوستاناي جىلقى تۇقىمى تىركەلگەن، بۇل بارلىق اسىل تۇقىمدى جىلقىلاردىڭ %9,7. بۇگىندە قوستاناي جىلقى تۇقىمىنىڭ رەسمي تىركەلگەن سانى 270 باستان اسپايدى ەكەن، ال اداي جىلقىسىنىڭ 1300 باسى قالعان.

«ەگەر سپورتتىق ماقساتتا پايدالانىلاتىن وتاندىق جىلقى تۇقىمدارىن ساقتاۋ مەن كوبەيتۋ بويىنشا ءبىر قۇجات قابىلداماساق، بابالارىمىزدىڭ، عالىمدارىمىزدىڭ كوپجىلدىق ەڭبەگى دالاعا كەتۋدىڭ از-اق الدىندا تۇر. 2014 -جىلى تۇقىمدى دامىتۋعا باعىتتالعان مەملەكەتتىك قولداۋ توقتاتىلعاننان كەيىن قوستاناي جىلقىلارىنىڭ سانى كۇرت ازايىپ، جويىلۋ الدىندا تۇر. بۇل جاعداي ۇلتتىق ات سپورتى تۇرلەرىن دامىتۋدىڭ نەگىزگى تەجەۋشى فاكتورلاردىڭ ءبىرى. وسىعان بايلانىستى پارلامەنت دەپۋتاتتارى وتاندىق جىلقى تۇقىمىن ساقتاۋ مەن ءوسىمىن مولايتۋعا باعىتتالعان زاڭ جوباسىن ازىرلەۋ تۋرالى شەشىم قابىلدادى»، - دەيدى ول.

اتالعان زاڭ جوباسى ارقىلى «اسىل تۇقىمدى مال شارۋاشىلىعى تۋرالى» جانە «سەلەكتسيالىق جەتىستىكتەردى قورعاۋ تۋرالى» قازاقستان رەسپۋبليكاسىنىڭ زاڭدارىنا تۇزەتۋلەر ەنگىزىلمەك.

زاڭنامالىق تۇزەتۋلەردە قوستانايلىق جىلقى تۇقىمىن ساقتاۋعا جانە ءوسىمىن مولايتۋعا باعىتتالعان كەلەسى ءىس-شارالاردى سۋبسيديالاۋ كوزدەلگەن:

 . اسىل تۇقىمدى ورتالىقتاردىڭ شەتەلدىك سەلەكتسيانىڭ سپورتتىق باعىتىنداعى اسىل تۇقىمدى ايعىرلاردى ساتىپ الۋ؛
. اسىل تۇقىمدى انالىق مال باسىمەن سەلەكسيالىق- اسىل تۇقىمدىق جۇمىس جۇرگىزۋ؛
. ولاردى ۇستاۋ بويىنشا شىعىنداردى وتەۋ.
«اتالعان قولداۋ تەتىكتەرى، وتاندىق سپورتتىق باعىتتاعى جىلقى تۇقىمدارىن دامىتۋعا جاعداي جاساپ، بايگە، كوكپار، اۋدارىسپاق، جامبى اتۋ، تەڭگە الۋ سىندى ۇلتتىق ات سپورتى تۇرلەرىن بۇقارالىق دامىتۋعا ىقپالىن تيگىزەدى. قازاق «جىلقى - مالدىڭ پاتشاسى، تۇيە مالدىڭ قاسقاسى»، دەپ بەكەر ايتپاعان. ەگەر راسىمەن دە ەلىمىزدەن قابىرحان سەكىلدى مىقتى جىلقىلاردىڭ ۇلكەن ارەنالاردا توپ جارۋىن قالاساق، وسى زاڭدى قولداۋلارىڭىزدى سۇرايمىن»، - دەدى ا. قوجانازاروۆ.

اۆتور
داۋلەت ىزتىلەۋ

سوڭعى جاڭالىقتار