ءماجىلىس دەپۋتاتى ساقتاندىرۋ پوليستەرىن «كەپىلزات» رەتىندە قولدانۋدى ۇسىندى

  ءماجىلىس دەپتۋتاتى ايداربەك حودجانازاروۆ ەكىنشى دەڭگەيلى بانكتەرگە ءوز قالاۋى بويىنشا استىق قولحاتتارىن تۇرلاۋلى كەپىل رەتىندە قابىلداۋعا مۇمكىندىك بەرۋدى ۇسىندى، دەپ حابارلايدى Kazinform.

«اۋىل شارۋاشىلىعى تاۋارىن وندىرۋشىلەردىڭ قارجىلاندىرۋ الۋداعى تاعى ءبىر پروبلەما - كەپىلزات مۇلىگىنىڭ تاپشىلىعى. الەمدە فەرمەردىڭ نەگىزگى اكتيۆى دە، كەپىلزاتى دا - جەر. قازاقستاندا ازىرگە جەر نارىعى دامىمىعان»، - دەدى ول ماجىلىستە وتكەن دوڭگەلەك ۇستەل بارىسىندا.

وسى ورايدا ءماجىلىس دەپۋتاتى كەپىلزات تاپشىلىعى پروبلەماسىن شەشۋ ءۇشىن ءبىرقاتار ۇسىنىس جاسادى. الدىمەن كۆازيمەملەكەتتىك سەكتور سۋبەكتىلەرىنەن كەپىلدىك بەرۋ قۇرالىن كەڭەيتۋ قاجەتتىگىن ايتتى. بۇل شارا بانكتەرگە از كەپىلدىكپەن نەسيە بەرۋگە مۇمكىندىك جاسايدى. سونىمەن قاتار سالا اشىقتىعىن ارتتىرۋعا نازار اۋدارتتى.

«بۇل شارا كرەديتورلاردىڭ فەرمەرلەرگە دەگەن سەنىمىن ارتتىرۋعا مۇمكىندىك بەرەدى. ول ءۇشىن ءبىز ا و ك- تە مامانداندىرىلعان كرەديتتىك رەيتينگ قۇرۋ باستاماسىن كوتەردىك. سونىمەن قاتار ساقتاندىرۋ پوليستەرىن «كەپىلزات» رەتىندە قولدانۋ تاجىريبەسىن ەنگىزۋدى، ەكىنشى دەڭگەيلى بانكتەرگە ءوز قالاۋى بويىنشا استىق قولحاتتارىن تۇرلاۋلى كەپىل رەتىندە قابىلداۋعا جانە ولاردا ازىق- تۇلىك قالىپتاستىرماۋعا زاڭدى مۇمكىندىك بەرۋدى ۇسىنامىن»، - دەدى ايداربەك حودجانازاروۆ.